ඒ අනුව සංචරණ සීමා පනවා ඇති අවස්ථාවන්හි දී අලෙවි කර ගත නොහැකි පලතුරු හා එළවළු තොග දිස්ත්‍රික් මිල කමිටුවේ මිල ගණන් යටතේ දිස්ත්‍රික් ලේකම්වරුන් / දිසාපතිවරුන් මඟින් මිලදී ගැනීමට නියමිතයි.
එසේම මිල දී ගත් එළවළු හා පලතුරු තොග සංචරණ සීමා අවසන් වන තෙක් කොවිඩ් ප්‍රතිකාර මධ්‍යස්ථාන, සියලූම රජයේ රෝහල්, ත්‍රිවිධ හමුදාවන් හා අවතැන් කඳවුරු වෙත සහ ජීවනෝපාය අහිමි පවුල්වලට අවශ්‍යතාව පදිරි නොමිලේ ලබාදීමට ද අවශ්‍ය කටයුතු සම්පාදනය කර තිබේ. කෘෂිකර්ම අමාත්‍යවරයා විසින් ඉදිරිපත් කළ එම යෝජනාවට මෙලෙස කැබිනට් මණ්ඩල අනුමැතිය හිමිව ඇත.
රට පුරා පැතිර යන කොවිඩ් වෛරසය හේතුවෙන් සුළු හා මධ්‍ය පරිමාණ ගොවීන් මෙන්ම මහා පරිමාණ ගොවීන් ද විශාල ආර්ථික අර්බුදයකට මුහුණ පා සිටි.
මේ පිළිබදව ඇතැම් පාර්ශවයන්ගේ දැඩි විරෝධය රජයට එල්ල විය. පසුගියදා ඒකාබද්ධ ගොවි සංවිධානයේ සභාපතිවරයා පවසා සිටියේ " රජය මිලදී ගැනීමේ වැඩ සටහනක් තියෙනවා කිව්වට ඒකත් අපේ ගොවීන්ට ලැබිලා නැහැ’’ යන්නයි. කෙසේවෙතත් නියම අවස්ථාවන් තුළ නිවැරදි තීන්දු තීරණ ගනිමින් රජය ගෙන යන වැඩපිළිවෙල ප්‍රශංසනීයයි.
-පංචාලි අබේසේකර
