ඒ අනුව සියලු සෞඛ්‍ය කාර්යමණ්ඩලවලට අයත් ගර්භණී නිලධාරිනියන් සඳහා අංක 02/2021(11) හා 2021.05.10 දිනැති රාජ්‍ය පරිපාලන චක්‍රලේඛයේ විධාන අදාළ කරගත යුතු බවත් , එසේ වුවද රටේ පවතින කොවිඩ් -19 වසංගත තත්ත්වය හමුවේ තමන්ගේ වෘත්තිමය වගකීම අවබෝධ කරගෙන ස්ව කැමැත්තෙන් තවදුරටත් සේවයේ යෙදීමට කැමැති ගර්භණී නිලධාරිනියන් වෙතොත් ඔවුන් අදාළ ආයතනය, රෝහල් තුළ කොවිඩ් -19 අවදානම නොමැති ස්ථානවල පමණක් සේවයේ යෙදීමේ අවස්ථාව පවතීන බවත් සෞඛ්‍ය අමාත්‍යාංශය දැනුම් දෙයි.
ඒ සම්බන්ධයෙන් සෞඛ්‍ය අමාත්‍යාංශයේ ලේකම් මේජර් ජෙනරාල් (විශ්‍රාමික) එස්. එච්. මුණසිංහ මහතාගේ අත්සනින් යුතුව නව චක්‍රලේකය නිකුත් කර තිබේ.
ඉන් වැඩිදුරටත් පෙන්වා දෙන්නේ 2021.05.31 නිකුත් කළ ලිපිය මින් අවලංගු වන බවය.
-පංචාලි අබේසේකර
