එම තත්ත්වයට මුහුණදීම සඳහා ජනතාව සූදානම් විය යුතු බවයි හමුදාපතිවරයා පවසන්නේ.
මීට පෙර අවස්ථාවලදී කල්තියා දැනුම් දී හුදෙකලාවන් සිදුකළද මෙවර කොවිඩ් ව්‍යාප්තිය සමග කල් ලබාදීමකින් තොරව හුදෙකලා කිරීමට සිදුවන බවද හෙතෙම අවධාරණය කළේය. කෙසේ වුවත් රටම ලොක්ඩවුන් කිරීමේ බලාපොරොත්තුවක් නොමැති බවයි ඔහු සදහන් කර සිටියේ.
මේ අතර ත්‍රිකුණාමලය දිස්ත්‍රික්කයේ තවත් ග්‍රාම නිලධාරි වසම් කිහිපයක් මේ මොහොතේ සිට හුදකලා කර තිබේ.
ඒ අනුව සුමේධගම්පුර, මූදෝවි, කෝවිල්අඩි, ලින්ග නගර්, කාවච්චි කුඩා සහ චීන වරාය යන ග්‍රාම නිලධාරි වසම් මෙලෙස හුදකලා කර ඇත.
කොරෝනා ආසාදිතයින් වාර්තා වීම හමුවේ මෙම තීරණය ගත් බව යුද හමුදාපති ජෙනරල් ශවේන්ද්‍ර සිල්වා මහතා පැවසීය.
-පංචාලි අබේසේකර
