ආදිත්‍ය පටබැඳිගේ, මංජුල තිලකරත්න සහ මහේන් වීරමන් යන මහත්වරුන්ගෙන් සමන්විත ත්‍රිපුද්ගල මහාධිකරණ විනිසුරු මඩුල්ල ඉදිරියේ මෙම නඩු විභාගය පැවැත්වුණි.

පසුගිය දින තුන තිස්සේ සිදුකළ වාචික දේශන ඉදිරිපත් කිරීම අද අවසන් කෙරුණ අතර ඉන් අනතුරුව නඩුවට අදාළ ලිබිත දේශන මැයි මස 12 වනදා ඉදිරිපත් කරන ලෙස විනිසුරු මඩුල්ල පාර්ශවකරුවන්ට නියම කර ඇත.

2012 වසරේ ගාලු වරායට ආසන්න මුහුදු තීරයේ එම්.වී. ඇවන්ගාඩ් නැමැති නෞකාව තුළ බලපත්‍ර නොමැතිව නීතිවිරෝධී ලෙස ජීව උණ්ඩ 203,395 ක් සන්තකයේ තබාගැනීම හා ප්‍රවාහනය කිරීම සම්බන්ධයෙන් ඇවන්ගාඩ් සමාගමේ සභාපති නිශ්ශංක යාපා සේනාධිපති ඇතුළු විත්තිකරුවන් 08 දෙනෙකුට එරෙහිව නීතිපතිවරයා විසින් චෝදනා 19 ඉදිරිපත්කර තිබුණි.

-පංචාලි අබේසේකර