මහජන ආරක්ෂාව පිළිබඳ රාජ්‍ය අමාත්‍ය රියර් අද්මිරාල් සරත් වීරසේකරගේ ප්‍රධානත්වයෙන් පසුගියදා පැවති සාකච්ඡාවකදී ඒ සඳහා අවශ්‍ය කරන උපකරණ කඩිනමින් මිලදී ගැනීම සඳහා තීරණය වී තිබේ.
ඒ අනුව අදාළ උපකරණ කඩිනමින් මිලදී ගත් වහාම රට පුරා දැවැන්ත මෙහෙයුම් ක්‍රියාත්මක කිරීමට අදාළ සාකච්ඡාවේදී තීරණය වූ බව පොලිස් මාධ්‍ය ප්‍රකාශකවරයා පැවසීය.
ඔහු වැඩිදුරටත් සඳහන් කළේ , මත්ද්‍රව්‍ය භාවිත කර රිය පදවන පුද්ගලයින් පරීක්ෂා කිරීම සඳහා දැනට මෙරට තුළ සීමිත උපකරණ සංඛ්‍යාවක් පමණක් ඇති බවයි.
වසරකට පොලිස් මෙහෙයුම්වලදී අත්අඩංගුවට ගනු බීමත් රියැදුරන් ලක්ෂයකට ආසන්න වේ.
පොලිස් මාධ්‍ය ප්‍රකාශකවරයා පැවසුවේ, කිසියම් පුද්ගලයෙකු මත්ද්‍රව්‍ය හෝ මත් පැන් භාවිත කර රිය පැදවුවහොත් එකී වරදට රුපියල් 25, 000ක දඩයක්, සිර දඬුවමක්, රිය බලපත්‍රය අවලංගු කිරීමක් හෝ බලපත්‍රය අත්හිටුවීම ආදි දඬුවම් නියම කිරීමට අධිකරණයට හැකියාව පවතින බවයි.
