පසුගිය දිනවල ජනතාව හැසිරුණු ආකාරය හේතුවෙන් රට තුළ නැවත වරක් කොවිඩ් වෛරසය ව්‍යාප්ත වීමේ අවදානමක් මතුව ඇති බවයි යුද හමුදාපතිවරයා සදහන් කරන්නේ.
එසේම ඔහු ජනතාවට දැනුම් දෙන්නේ සති අන්තයේ විනෝද චාරිකා යෑමෙන් වැළකි සිටින ලෙසත් විවිධ උත්සව සංවිධානය කිරීමෙන් වැළකී සිටින ලෙසත්ය.
තවද නිවසින් බැහැරට යෑමේදී මුව ආවරණ පැළදීම අනිවාර්ය බව ද යුධ හමුදාපතිවරයා සදහන් කර ඇත.
නව ආසාදිතයින් 516 දෙනෙකු ඊයේ හඳුනා ගැනීමත් සමග මෙරටින් වාර්තාවන කොරෝනා ආසාදිතයින් සංඛ්‍යාව 98,050 දක්වා ඉහළ ගොස් තිබේ.
ආසාදිතයින් 93,668 ක් සුවය ලබා ඇති අතර 3752 දෙනෙකු රෝහල්ගතව ප්‍රතිකාර ලබන අතර මිය ගිය සංඛ්‍යාව 630ක් බව සෞඛ්‍ය අමාත්‍යාංශය පවසයි.
-පංචාලි අබේසේකර
