උන්නාන්සේ වේදනාවෙන් යම් යම් දේ ප්‍රකාශ කරන්නට ඇති නමුත් එම ප්‍රකාශය එතරම් වැදගත් නොවන බවත් කී ඇමැතිවරයා කාදිනල්තුමන් සමග ගැටුමකට යාමට සූදානම් නොමැති බවත් ප්‍රකශ කර ඇත.

අමාත්‍යවරයා මෙම අදහස් පල කලේ පරිසර අමාත්‍යාංශයේ ඊයේ (08 වැනිදා) පැවැති මාධ්‍ය හමුවක් අතරතුරදී.

මේ අතර කාදිනල් හිමියන් ඉකුත් පාස්කු ඉරුදින කළ ප්‍රකාශයට දේශපාලනික අර්ථකථන නොදෙන ලෙස කතෝලික සභාව ඉල්ලා ඇත.

ගරු සිරිල් ගාමිණී පියතුමා ඊයේ (08) විශේෂ ප්‍රකාශයක් කරමින් කියා සිටියේ දේශපාලනිකව කිසිවකුට පහරගැසීමේ අදහසින් කාදිනල් හිමියන් එම ප්‍රකාශය සිදු නොකළ බවය.

පාස්කු ප්‍රහාරය පිළිබඳ අගරදගුරු පදවි කමිටුවේ ගරු සිරිල් ගාමිණී පියතුමා පැවසුවේ,

"උන්වහන්සේගේ එම ප්‍රකාශය තුළ කිසිම විදිහක දේශපාලනිකව කිසිවෙකුට පහර ගසන්නට අදහසක් තිබුණේ නෑ. මේ පාස්කු ප්‍රහාරය ජාතික අපරාධයක් හැටියට අපි දකින්නේ. මේ තර්ජනය තාමත් ඒ විදිහටම තියෙනවා."

ඉකුත් පාස්කු ඉරිදා කාදිනල් හිමියන් හිටපු ජනපතිවරයා පිළිබඳ ප්‍රකාශයක් සිදුකළ අතර ඊට පසුදින හිටපු ජනපතිවරයා හා ශ්‍රී ලංකා නිදහස් පක්ෂය ඒ සම්බන්ධයෙන් කණගාටුව පළකර තිබුණි.

-පංචාලි අබේසේකර