වෙළද අමාත්‍ය බන්දුල ගුණවර්ධන විසින් දැනුම් දුන් නියෝගයක් අනුව රේගු අධ්‍යක්ෂවරයා මෙම පියවර ගෙන ඇති බවයි සදහන් වන්නේ.
දෙවරක් සිදුකළ නියැදි පරික්ෂාවෙන් පසු ශ්‍රී ලංකා ප්‍රමිති ආයතනය විසින් රෙගුවට දැන්වීමෙන් අනතුරුව එම සමාගම්වලට පොල්තෙල් ප්‍රතිඅපනයනය කරන ලෙසට දැනුම් දුන් බවයි රේගු අධ්‍යක්ෂ ජනරාල්වරයා සඳහන් කළේ.
පොල්තෙල් අඩංගු බහාලුම් වෙනස් ස්ථානවලට නොයවා රේගුව සතු ස්ථානවලම තබා ගන්නා බව ද රේගු අධ්‍යක්ෂ ජනරාල්වරයා ප්‍රකාශ කර ඇත.
මේ අතර විෂ රාසායනික අඩංගු බවට අනාවරණය වී ඇති ආනයනික පොල් තෙල් බවට සැක බවුසර් දෙකක් දංකොටුව පොලීසිය විසින් අත්අඩංගුවට ගෙන තිබේන බව වාර්තා වෙනවා.
119 පොලිස් හදිසි ඇමතුම් අංශයට ලද තොරතුරක් අනුව පොල් තෙල් ලීටර් 27,500ක් එලෙස ඊයේ (29) රාත්‍රියේ දී අත්අඩංගුවට ගෙන ඇත.
තෙල් බවුසර් දෙකෙහි රියදුරන් දෙදෙනාව ද පොලීසිය විසින් අත්අඩංගුවට ගෙන ඇති අතර, ප්‍රකාශ ලබා ගැනීමෙන් අනතුරුව ඔවුන් මුදා හැර තිබේ.
රාගම ප්‍රදේශයේ පිහිටි ගබඩාවකින් පසුගිය 25 වැනිදා එම පොල් තෙල් තොගය රැගෙන ආ බව සැකකරුවන් පවසා ඇත.
එම තෙල් බවුසර් දෙක දංකොටුව නගරයට ආසන්නයේ ඇති තෙල් මෝලක භූමියේ රඳවා තිබිය දී පොලීසිය විසින් අත්අඩංගුවට ගෙන තිබේ.
බවුසර්වල ඇති තෙල් සාම්පල ලබා ගෙන ඒවා රජයේ රස පරීක්ෂකවරයා වෙත යොමු කර වාර්තාවක් ලබා ගැනීමට කටයුතු කරන බව දංකොටුව පොලීසිය වැඩිදුරටත් පැවසීය.
-පංචාලි අබේසේකර
