නීති කඩන බස් රථ සම්බන්ධයෙන් දැඩි ක්‍රියාමාර්ග ගන්නා බවත් ,ශ්‍රී ලංකා ගමනාගමන මණ්ඩලය, ජාතික ගමනාගමන කොමිෂන් සභාව, පළාත් මර්ගස්ථ ප්‍රවාහන අධිකාරිය සම්බන්ධ කරගනිමින් මෙම මෙහෙයුම දියත් කරන බවත් අමාත්‍යවරයා සඳහන් කර ඇත.
මෙරට මගී ප්‍රවාහන සේවා ලබාදීම සඳහා ශ්‍රී ලංකා ගමනාගමන මණ්ඩලයේ බස් රථ 6300ක් සහ පෞද්ගලික බස් රථ 20000කට ආසන්න ප්‍රමාණයක් රටපුරා ධාවනය වන අතර පොදු ප්‍රවාහනයේදී ලබා දී ඇති සෞඛ්‍ය උපදෙස් හා ප්‍රතිපත්ති නොපිළිපදින බව පෙනී යයි. බස්නාහිර පළාතේ පමණක් ධාවනය වන පෞද්ගලික හා ලංගම බස් රථ සංඛ්‍යාව 7500ක් පමණ වේ.
මේ සම්බන්ධයෙන් රාජ්‍ය පළකළ අදහස් ,
‘‘උත්සව සමයේ අධික වශයෙන් ජනතාව ගැවසෙනවා. කොවිඩ් ව්‍යාප්තිය පාලනය පිණිස ගාස්තු සංශෝධනයකුත් සහිතව බස් රථ සඳහා හඳුන්වාදී තිබෙනවා. එහෙත් සෞඛ්‍ය ප්‍රතිපත්ති බස් හිමියන් නොපිළිපදින බවට පැමිණිලි රාශියක් ලැබී තිබෙනවා. ඒ සම්බන්ධයෙන් තදින්ම කටයුතු කිරීමේ අවශ්‍යතාවක් තිබෙනවා'' යනුවෙන් සදහන් කර තිබේ.
-පංචාලි අබේසේකර
