ඒ සම්බන්ධයෙන් නීතිපතිවරයාගේ උපදෙස් ලබාගෙන ඉදිරි පියවර ගන්නා බව පොලිස් මාධ්‍ය ප්‍රකාශකවරයා සදහන් කරයි.
පාස්කු ප්‍රහාරය පිළිබඳ කළ ආන්දෝලනාත්මක ප්‍රකාශය සම්බන්ධයෙන් අශෝක් අබේසිංහ දින දෙකක් මග හැර සිට ඊයේ දිනයේ (11) අපරාධ පරීක්ෂණ දෙපාර්තමේන්තුවට ප්‍රකාශයක් ලබා දීමට පැමිණියා. එහිදී පැය 05 කට අධික කාලයක් අපරාධ පරීක්ෂණ දෙපාර්තමේන්තුව හමුවේ අබේසිංහ මහතා ප්‍රකාශයක් දී තිබුණි.
පාස්කු ප්‍රහාරයට ජනාධිපති ගෝඨාභය රාජපක්ෂ සහ බැසිල් රාජපක්ෂ සම්බන්ධ බවට සමගි ජන බලවේගයේ පාර්ලිමේන්තු මන්ත්‍රී අශෝක් අබේසිංහ පසුගියදා ආන්දෝලනාත්මක ප්‍රකාශයක් සිදු කරනු ලැබීය. එසේම ඒ සදහා මුදල් ලබා දී ඇත්තේ අවේන්ගාඩ් සභාපති නිස්සංක සේනාධිපති බවත් ඔහු එහිදී සදහන් කර ඇත.
පසුව අදාළ ප්‍රකාශයට එරෙහිව ශ්‍රී ලංකා පොදුජන පෙරමුණේ පසුපෙළ මන්ත්‍රීවරුන් පිරිසක් අපරාධ පරීක්ෂණ දෙපාර්තමේන්තුවට පැමිණිල්ලක් ගොනු කළ තිබුණා . ඊට අදාළවයි මන්ත්‍රී අශෝක් අබේසිංහගෙන් අපරාධ පරීක්ෂණ දෙපාර්තමේන්තුව ප්‍රකශ ලබා ගෙන ඇත්තේ.
-පංචාලි අබේසේකර
