මුලින් ප‍්‍රකාශ කෙරුණේ මෙම මරණය සියදිවි නසා ගැනිමක් බවයි. එහෙත් ඒ බව පිළිගත නොහැකි බවද මරණය සැකසහිත බවද සෝමලතා මහත්මියගේ ඥාතීන් ප‍්‍රකාශ කර ඇත.
මරණය සම්බන්ධයෙන් වැඩිදුර පරික්‍ෂණ ආරම්භ වුයේ ඒ අනුව බව ශ‍්‍රී ලංකා විදේශ සේවා නියුක්ති කාර්යාංශය නිකුත් කළ නිවේදනයක දැක්වේ.
එවැනි පරික්‍ෂණ අවසන් වීමට කිසියම් කාලයක් ගතවන බවද එයින් පෙන්වා දී ඇත. .තවද අදාල පරික්‍ෂණ අවසන් වීමෙන් පසුව සෝමලතා මහත්මියගේ දේහය මව්බිමට ගෙන්වා ගන්නා බවද එහි සඳහන්වේ.
සිය ඥාතිවරියගේ දේහය කඩිනමින් ශ‍්‍රී ලංකාවට ගෙන්වා දෙන්නැයි බලකරමින් යු.ඞී සෝමලතා මහත්මියගේ පවුලේ සාමාජිකයින් සහ හිතවතුන් අනුරාධපුරයේ දී ඊයේ උද්ඝෝෂණයක නිරතවිය.
