රජයට වී සංචිතයක් පවත්වා ගැනීම සදහා තරගකාරී මිලට වී මිලදී ගැනීමට අමාත්‍ය මහින්දානන්ද අලුත්ගමගේ තීරණය කර ඇත. එම කටයුතු වඩාත් ශක්තිමත් කිරීමේ අරමුණිනුයි වී මිලදි ගැනිමේ මසක කාලයක් ප්‍රකාශයට පත් කර ඇත්තේ. මෙම කාලය තුල වී මෙට්‍රික් ටොන් ලක්ෂ 2 ක් ගොවි බිමටම ගොස් මිලදී ගන්නා ලෙස අමාත්‍යවරයා නිලධාරීන්ට උපදෙස් දී තිබේ.

අනුරාධපුරය, මඩකලපුව, අම්පාර, පොළොන්නරුව, හම්බන්තොට, කුරුණෑගල යන දිස්ත්‍රික්ක 6 ට මෙහිදි ප්‍රමුඛතාව ලබාදී තිබෙනවා. වී අලෙවි මණ්ඩලයේ ප්‍රාදේශීය කළමනාකරවරුන් 6 දෙනෙකු සහකාර ප්‍රාදේශීය කළමනාකරවරුන් 60 දෙනෙකු සහ කෘෂිකර්ම පර්යේෂණ සහකාර නිලධාරීන් 300 දෙනෙකු මෙම ක්‍රියාන්විතයට එක්වනු ඇති.

මේ සදහා ලොරි රථ 60 ක් යොදා ගෙන දෛනිකව වී මෙට්‍රික් ටොන් 6000 ක් ගොවියාගෙන් තරගකාරී මිලට වී මිලදී ගැනීම සැළසුමයි.

තෙත වී මිලදී ගැනීමටත් ඒ මොහොතේම ගොවියාගේ අතට මුදල් ගෙවීමටත් පියවර ගන්නා ලෙසයි අමාත්‍ය මහින්දානන්ද අලුත්ගමගේ උපදෙස් දී ඇත්තේ.