හිටපු ජනාධිපතිවරයාට එරෙහිව අපරාධ නඩු පැවැරීම සම්බන්ධයෙන් සලකා බැලිය යුතු බව පාස්කු ඉරුදින ප්‍රහාරය පිළිබඳව විමර්ශනය කරන ලද ජනාධිපති කොමිසමේ අවසන් වාර්තාවෙන් නිර්දේශ කර තිබිණි.
ඒ අනුව හිටපු ජනාධිපතිවරයාට නඩු පවරන්නේ දැයි අධිකරණ අමාත්‍යාංශයේ ඊයේ (25 වැනිදා) පැවැති මාධ්‍ය හමුවකදී මාධ්‍යවේදීන් ඇසූ ප්‍රශ්නයකට පිළිතුරු දෙමින් අධිකරණ ඇමැති අලි සබ්රි එසේ ප්‍රකාශ කළේය.
‘මේක නීතිමය කාරණයක්. ජනාධිපතිවරයකුට සිය ධුර කාලයෙන් අනතුරුවද මුක්තිය හිමි වන්නේදැයි සොයා බැලීමට ශ්‍රේෂ්ඨාධිකරණයෙන් අර්ථ නිරූපණයක් ලබාගත යුතු වෙනවා. එම නිසා හිටපු ජනාධිපතිවරයාට පාස්කු කොමිසමේ නිර්දේශ පරිදි නඩු පැවැරීමක් කරනවාද? යන්න ශ්‍රේෂ්ඨාධිකරණයෙන් අර්ථ නිරූපණයක් ලබාගැනීමෙන් පසු තීරණය කළ හැකි යැයි අධිකරණ ඇමැති අලි සබ්රි පැවැසීය.
-පංචාලි අබේසේකර
