එම චෝදනාව මෙසේය ,

‘‘එල්ටීටීඊ සංවිධානය ඊළාම් රාජ්‍යයේ නාමයෙන් සියලුම මධ්‍යස්ථ දෙමළ නායකයන්, හිටපු ජනාධිපති ප්‍රේමදාස, අගමැති රජීව් ගාන්ධි සහ ගණන් කළ නොහැකි තරම් ඇමැතිවරු, පාර්ලිමේන්තු මන්ත්‍රීවරු, සිවිල් සමාජ නායකයන් ඝාතනය කරමින් ප්‍රචණ්ඩත්වය මුදා හැර ඇත. මෙවැනි ප්‍රධාන කරුණු නොසලකා මිෂෙල් බැචලෙට් සංහිඳියාව ඉදිරියට ගෙනයෑම පිළිබඳ ඉතාම අඩු උනන්දුවක් දක්වා තිබේ.

2009 ජනවාරි සිට මැයි දක්වා යුද්ධයේදී සිවිල් වැසියන් මියගොස් ඇත්තේ 5000 ත් 7000 ත් අතර සංඛ්‍යාවක් බව ස්වාධීන පරීක්ෂණවලින් තහවුරු කර ඇත. එහෙත් එක්සත් ජාතීන් විසින් සාක්ෂි මත පදනම් නොවී පවසා ඇත්තේ එම සංඛ්‍යාව 40,000 ක් පමණ වන බවයි. එල්ටීටීඊ සංවිධානය ළමා සොල්දාදුවන් බඳවා ගැනීම යන ‘වඩාත් දරුණු යුද අපරාධය’ මහ කොමසාරිස්වරිය විසින් සම්පූර්ණයෙන් නොසලකා හැර ඇත. ළමා සොල්දාදුවන් බඳවා ගැනීමට ‘ගැඹුරින් සම්බන්ධ වී සිටි’ ඇඩෙල් බාලසිංහම් බ්‍රිතාන්‍යයේ නිදහසේ වාසය කරන පුරවැසියෙක් වන බව මහ කොමසාරිස්වරිය එම කරුණුද මුළුමනින්ම අමතක කර තිබේ’’ යනුවෙන් නෙස්බි සාමිවරයා සඳහන් කර ඇත.

එක්සත් ජාතීන්ගේ මානව හිමිකම් කවුන්සිලයේ 46 වන සැසි වාරය වීඩියෝ තාක්ෂණය ඔස්සේ අද ආරම්භ වීමට නියමිතයි. ලංකාවේ මානව හිමිකම් කඩවීම් ගැන වසර කිහිපයක් නිහඩව හිටපු බටහිර රටවල් මෙවර සැසියේදී හඩ අවදි කරන්න සූදානම් බවයි වාර්තා වෙන්නේ.

-පංචාලි අබේසේකර