ණයට හිලව්වට හරි උතුරේ ප්‍රශ්න විසඳෙනවා නම්, ඒක මරු වැඩක්.

Published in පුවත්
Saturday, 30 November 2019 19:13

ජනාධිපති ගෝටාබය රාජපක්ෂගේ ඉන්දීය සංචාරයෙන් ඩොලර් මිලියන 450 ක පමණ ණය මුදලක් ලැබුණු බව සදහන්ය.ඉන් කොටසක් සෘජුවම උතුරු නැගෙනහිර පීඩාවට පත් ජනතාවගේ අභිවෘද්ධිය වෙනුවෙන් වැය කිරීමද විය යුතුව තිබේ.

කෙසේ නමුත් මෙම ණය මුදල් ලබා දීම සහ ඉන්දියාව ලංකාව සම්බන්ධයෙන් අපේක්ෂා කරන්නේ කුමක්ද යන්න වග ඉන්දීය අගමැති නරේන්ද්‍ර මෝඩි පැහැදිලි හින්දි භාෂාවෙන් කියා තිබේ. ඒ පරිවර්තනය අසමින් ගොටාබය ද ඊට එකඟ විය. ඒ අනුව උතුරු නැගෙනහිර දෙමළ ජනතාවගේ අභිලාෂයන් ඉ‍ටු විය යුතුය. 13 වෙනි ව්‍යවස්තා සංශෝධනය හරහා දෙමළ ජනතාවගේ ගැටලුව වෙනුවෙන් වූ විසඳුම් නියමාකාරයෙන් සිදු විය යුතුව තිබේ.

මේ අනුව ගෝටාබය රාජපක්ෂව ඉන්දියාවට කැඳවා මෝඩි විසින් ඔහුට ලබා දී තිබෙන්නේ කොන්ත්‍රාත්තුවකි. ඒ වෙනුවෙන් වන ගෙවීමද සිදු කර තිබේ. එය දැන් මඟ නොහැර කළ යුතුය. ඒ අනුව පැහැදිලි වන කාරණය නම් ඉන්දියාව නම් ලොකු අයියා විසින් ශ්‍රිලංකාව නැමැති චූටි නංගීට ( මේ නෑකම මහින්ද රාජපක්ෂ විසින් මීට පෙර ප්‍රකාශ කරන ලද්දකි) පොඩි පහේ තරව‍ටුවක් සමඟ මේ ණය මුදල් ලබා දීම කර තිබෙන බවය.

පැවැති ආණ්ඩුව විසින් දෙමළ ජනතා අභිලාෂයන් වෙනුවෙන් බොහෝ දේ කරන්න පොරොන්දු වූවද ඒවා නිසි පරිදි සිදු වූයේ නැතත් ඒ වෙනුවෙන් දැවැන්ත මුල්‍යමය සහයෝගයකද එවකට ලබා දී තිබිනි .එය ඩෝලර් බිලියන 5 කට ආසන්න සහන පොලියක් යටතේ වන ණයක්ද ඩොලර් මිලියන 550 ක පමණ ප්‍රධානයක්ද වේ. ඒ ‍තුල නිවාස 60,000 ක් ඉදිකිරීමේ ව්‍යාපෘතියක්ද වේ. ඊට අමතරව සුවසැරි ගිලන් රත සේවයද ඉන්දියාවේ පරිත්‍යාගයකි. ඉන්දියාව සමඟ වන මිත්‍රශීලී සුහද ගනුදෙනුවක් පෙර ආණ්ඩුව සමයේ දී විය. එහෙත් වත්මන් පාලනය යනු ඉන්දීය හිතවාදී පාලනයක් නොවේ. එය බොහෝ විටම චීනයට සමීප පාලනයකි. ගොටාබයගේ අමරිකානු පුරවසිභාවය මත අමරිකාව විසින් නැටවිය හැකි රූකඩයක් බවට ගෝටාබය පත් වෙනු ඇති බවට පූර්ව අණාවැකි කියවුණද බොහෝ විට සිදුවනු ඇත්තේ අමරිකාව විසින් ඉන්දියාව හරහා මොහුව පාලනය කිරීමකි.

මෙම ඉන්දීය සංචාරයේ දේශපාලනික අර්ථය ද ඊට වඩා වෙනස් වන්නෙ නැත.

ඒ කොහොම නමුත් උතුරු නැගෙනහිර දෙමළ ජනතාවගේ ගැටලුව විසැඳීමට ගෝටාබයට බල කරන තත්වයක් ජාත්‍යන්තරව එල්ලවීම එක අතකින් මෙරට දෙමළ ජනතාව ලත් ජයග්‍රහණයකි. දෙමළ ජනතාව කාලාන්තරයක් පුරා සටන් වදිමින් ඉල්ලා සිටි අයිතිවාසිකම් ප්‍රමාණයක් ඒ අනුව ඔවුන්ට ලැබිය හැකිව තිබේ.

එහෙත් මේ කිසිවක් ගෝටාබය වෙනුවෙන් ඡන්දය පාවිච්චි කළ ජනතාවගෙ තුන් හිතකවත් තිබූ දේවල් නොවීම රාජපක්ෂ කඳවුරේ අනාගත දේශපාලනයට යම් ප්‍රමාණයකට බලපැවැත් විය හැකි යැයි හැඟුනත් දෙමළ ජනතාවගේ සිත් සතන් දිනා ගැනීමට හැකිවීම රාජපක්ෂලා ලබන දේශපාලන ජයග්‍රහණයක්ද වේ. මේ නිසා රාජපක්ෂවරු දෙමළ ජනතා ගැටලුවලට වඩා සංවේදී වීමක් ඉදිරියේදී තව දුරටත් දකින්නට ලැබෙනු ඇත. සිය ඡන්ද දායකයා යනු රාජපක්ෂ නමින් කුමක් ඉදිරිපත් කළත් කිසි වග විභාගයකින් තොරව රාජපක්ෂවරුන් වෙනුවෙන් ඡන්දය පාවිච්චි කරන වහල් මානසිකත්වයකින් යුතු පිරිසක් නිසා මේ සිංහල බෞද්ධ බහුතරයේ ඡන්ද කෝටාවට බරපතල හානියක්ද සිදු නොවනු ඇත.

කොහොම නමුත් දෙමළ ජන කොටස් මේ මොහොතේදී වඩාත් උත්සුක විය යුත්තේ තමන්ගේ අයිතිවාසිකම් ලබා ගැනීම වෙනුවෙන් මේ මොහොතේ දේශපාලන තත්වයන් නියමාකරයෙන් තමන්ගේ වාසියට පාවිච්චි කිරීමය. විශේෂයෙන්ම දෙමළ ජාතික සංධානය මේ සම්බන්ධයෙන් සැලකිලිමත් වීම විය යුතුව තිබේ.

ඉන්දියාවෙන් ලැබෙන ණය නිසා මේ රටේ ණය බර වැඩි වූවා යැයි ඇතැමුන් මැසිවිලි නැගුවද එය රටට වන බරකට වඩා ලොකු වාසියක් වන්නේ උතුරේ ජනතා ගැටළුව විසැඳීමට ඉන් වැඩි බරක් යෙදිමට රජයට සිදුවන නිසාය. මෙය මුල්‍යමය ණයට වඩා රටට ලැ‍බෙන අනාගත ජයග්‍රහණයකි. මේ ණය ඒ ජයග්‍රහණය වෙනුවෙන් කරන ආයෝජනයක් ලෙස සැලකිය හැකිය. මේ ණය ආපසු ගෙවීමට සිදුවන්නේ මේ රටේ සමස්ත ජනතාවගෙන් අය කරන බදු මුදලින්ය. මේ අනුව උතුරේ ගැටලුව විසැඳීම වෙනුවෙන්ම මේ රටේ සෑම පුරවැසියෙකුම යම් දායකත්වයක් සැපයූවා කියා කල්පනා කිරීමද වැරදි නැත. ඒ ගැන රටේ සෑම පුරවැසියකුම සතු‍ටු විය යුතුව තිබේ.

Leave a comment

Gossip

හබරණ ඇතින්නියන් 7 මැරුවේ අපලයක් දුරු කරන්නලු..

හබරණ ඇතින්නියන් 7 මැරුවේ අපලයක් දුරු කරන්නලු..

හබරණ, හිරිවඩුන්න තුන්ඹිකුලම රක්ෂිතයේදී අභිරහස් ලෙස මිය ගිය ඇතින්නියන් හත් දෙනෙකුගේ මළ සිරුරු සොයා ගැ...

මට වඩා සජිත් ජනප්‍රියයි..ඒත් ජනාධිපති වෙන්න ඕන මන්..- රනිල්ගේ අපූර්ව තීන්දුව

මට වඩා සජිත් ජනප්‍රියයි..ඒත් ජනාධිපති වෙන්න ඕන මන්..- රනිල්ගේ අපූර්ව තීන්දුව

අද උදෑසන පැවැති එක්සත් ජාතික පක්ෂයේ ජේෂ්ඨයන්ගේ ‍රැස්වීමෙදී රනිල් වික්‍රමසිංහ තමන් ජනාධිපතිවරණයට ඉදිර...

මහරගම බංගලාවක, ජනපති අපේක්ෂකයෙක් සහ ජනපති සොයුරෙක් රහස් කතාවක

මහරගම බංගලාවක, ජනපති අපේක්ෂකයෙක් සහ ජනපති සොයුරෙක් රහස් කතාවක

ජනාධිපති සොහොයුරෙකුට අයත් මහරගම විද්‍යාකර මාවතේ පිහිටි සුපිරි බංගලාවක මේ මොහොතේ ( 24 රාත්‍රියේ) රහස්...

සමාවෙන්න අයියේ..! ගෝඨා හොර ලියවිල්ලේ වැරැද්ද බාරගනියි.

සමාවෙන්න අයියේ..! ගෝඨා හොර ලියවිල්ලේ වැරැද්ද බාරගනියි.

තමන්ගේ අමරිකානු පුරවැසිභාවය පිළිබඳ ගැටලුව අවසන් කරගත් බවත් ඒ නිසා ජනාධිපතිවරණ අපේක්ෂකත්වය ලබා ගැනිමේ...

Connet With Us