රාජපක්ෂ භීෂණය ගෙයි දොරකඩට පැමිණ තිබේ. මේ මොහොත ඔවුන් සතුය. Featured

Published in පුවත්
Wednesday, 27 November 2019 16:59

අපේක්ෂා කළ පරිදිම රාජපක්ෂවරුන්ගේ භීෂණකාරී මිලිටරි පාලනය තහවුරු කරමින් තිබේ. එය හිතුවාට වඩා වේගයෙන් සිදු වෙමින් තිබේ. මේ වන විට මාධ්‍ය ආයතන , මාධ්‍යවේදීන්, සමාජ මාධ්‍ය ක්‍රියාකාරිකයන් රැසක් මෙන්ම රාජ්‍ය නොවන සංවිධාන ගනනාවක්ද රාජපක්ෂ මිලිටරි ජුන්ටාවේ ප්‍රශ්න කිරීම් වලට ගොදුරුව ඇත.

මාධ්‍ය නිදහස ගැන කප්පරක් දේවල් ජනාධිපතිවරණ සමයේදී ගොටාභය රාජපක්ෂ වේදිකාවල සිට ටෙලි ප්‍රොම්ටරයෙන් බලාගෙන කියෙව්වාට ඒවා ඔහුගේ ප්‍රතිපත්ති නොවන බව කිසිවකුට සැකයක් තිබුණේ නැත. සතා සතාම බව නොදැන සිටි කිසිවකුත් සිටියෙ නැත.

එයා දැන් හොඳ ළමයෙක් ඉස්සර වගේ නෑ.පරණ සෙල්ලම් ආයෙ කරන්න බෑ. එයාට බය වෙලා දේශපාලනය කරන්න බෑ.. වගේ කතා කියමින් ගොටාව හොඳ ළමයෙක් කරන්නට ගත් තක්කඩි උත්සාහයයන්ද ක්‍රියාත්මක විය. අපුල දනවන කාරණය නම් ගෝටා යනු කවරෙක්දැක් හොඳාකාරවම දැන දැනම වාමංශිකයි ප්‍රජාතන්ත්‍රවාදීයි මානව හිතවාදියි යැයි සමාජය හමුවෙ පෙනී සිටි පිරිස්ද මේ මතය ප්‍රචාරය කිරීමය.

ඒවා දැන් කොහොම වෙතත් යළි සමස්ත සමාජය බියට පත් කරමින් හිට්ලර් පන්නයේ පාලනයක් ක්‍රියාත්මක කරන්නට පටන් ගනිමින් තිබේ. රට රැක ගැනීම, ජාතික ආරක්ෂාව, සිංහල පමණයි වැනි ව්‍යාජ සටන් පාඨ මඟින් රටේ බහුතර ජනතාව මරි මෝඩ මිනිසුන් බවට පත් කරමින් අල්ලා ගත් බලය ඉදිරියේදී පාවිච්චි වෙනුයේ රාජපක්ෂලාගේ පවුලේ යහ පැවැත්ම වෙනුවෙනී. ඊට එරෙහි වෙන්නන් තලා පෙලා හෝ මරා දැමීම හෝ වෙනුවෙනි..

රාජපක්ෂල කවදාවත් මේ රට හැදුවේ නැත. හදන්නේද නැත. හැමදාම කළේ රටෙන්, රටේ සම්පත් දෙපොල වලින් තමන්ගේ පවුලේ පැවැත්ම සකසා ගැනීම පමණි.

සමස්ත සමාජයම රවටමින් මේ කරන තක්කඩි මජර දේශපාලනය වටහා ගැනිමට රටේ බහුතරය අසමත් වීමේ විපාක ලෙස සමස්ත සමාජයම යළි භිෂණකාරී අඳුරු යුගයකට යමින් තිබේ. සමාජයට ඒ වටහා ගැනීමට ඉඩ නොදී ජනතාව ‍රැවැටීමකට තල්ලු කළ අවස්ථාවාදී දේශපාලනයක්ද රටේ ක්‍රියාත්මක වීම මීට බරපතල ලෙස හේතු විය.

කොහොම නමුත් අනාගතය දැන් බියකරුය. තමන්ගේ මරණය කිසිවකුගේ බලහත්කාරිත්වයෙන් සිදුවනු ඇතැයි බියෙන් සමාජය වෙලෙමින් පවති. ජාතික ආරක්ෂාව වෙනුවට ජාතික අනාරක්ෂාව ගොඩනැගෙමින් තිබේ. ඒ සමඟ අනන්‍යව ජීවත් වෙනවාද ? ඊට එරෙහි වෙනවාද ? කියා තීරණය කිරීමට තරම්වත් සමාජය මේ මොහොතේ සූදානම් නොවීමේ අවාසනාවන්ත තත්වයට මුහුණ දී සිටී. ඒ තවමත් ජයග්‍රහණයේ මල් වෙඩි සංදර්ශන වලින් සමාජයේ ඇස් නිලංකාර වී ඇති නිසාය. කණ් අඩි පුපුරා ඇති නිසාය. අමතක නොකළ යුතු අනෙක් දේ නම් රාජපක්ෂලා හැම අපරාධයක්ම කළේ ඔවුන් ජයග්‍රාහීව සිටින මොහොතවල් වලදී බවය. මේ ගෙවෙන්නේ එවැනි කාලයකි.

Leave a comment

Gossip

හබරණ ඇතින්නියන් 7 මැරුවේ අපලයක් දුරු කරන්නලු..

හබරණ ඇතින්නියන් 7 මැරුවේ අපලයක් දුරු කරන්නලු..

හබරණ, හිරිවඩුන්න තුන්ඹිකුලම රක්ෂිතයේදී අභිරහස් ලෙස මිය ගිය ඇතින්නියන් හත් දෙනෙකුගේ මළ සිරුරු සොයා ගැ...

මට වඩා සජිත් ජනප්‍රියයි..ඒත් ජනාධිපති වෙන්න ඕන මන්..- රනිල්ගේ අපූර්ව තීන්දුව

මට වඩා සජිත් ජනප්‍රියයි..ඒත් ජනාධිපති වෙන්න ඕන මන්..- රනිල්ගේ අපූර්ව තීන්දුව

අද උදෑසන පැවැති එක්සත් ජාතික පක්ෂයේ ජේෂ්ඨයන්ගේ ‍රැස්වීමෙදී රනිල් වික්‍රමසිංහ තමන් ජනාධිපතිවරණයට ඉදිර...

මහරගම බංගලාවක, ජනපති අපේක්ෂකයෙක් සහ ජනපති සොයුරෙක් රහස් කතාවක

මහරගම බංගලාවක, ජනපති අපේක්ෂකයෙක් සහ ජනපති සොයුරෙක් රහස් කතාවක

ජනාධිපති සොහොයුරෙකුට අයත් මහරගම විද්‍යාකර මාවතේ පිහිටි සුපිරි බංගලාවක මේ මොහොතේ ( 24 රාත්‍රියේ) රහස්...

සමාවෙන්න අයියේ..! ගෝඨා හොර ලියවිල්ලේ වැරැද්ද බාරගනියි.

සමාවෙන්න අයියේ..! ගෝඨා හොර ලියවිල්ලේ වැරැද්ද බාරගනියි.

තමන්ගේ අමරිකානු පුරවැසිභාවය පිළිබඳ ගැටලුව අවසන් කරගත් බවත් ඒ නිසා ජනාධිපතිවරණ අපේක්ෂකත්වය ලබා ගැනිමේ...

Connet With Us