හැංගි හැංගි වෙස් මූණූ බැඳන් නැ‍ටුවාට එය ගලවන වෙලාවක් එයි. ඊයේ බෙල්ලන්විල දී කහකඩධාරියකු සමඟ කළ කතාබහේ දි තමන් 2015 වසරට පෙර සිටි ආරක්ෂක ලේකම් ගෝටාබය රාජපක්ෂ බව ඔහු පෙන්වා දුන්නේය. මේ සතා කවුදැයි අප පෙර සිටම දැන සිටි අතර බැඳගෙන එන වෙස් මූණට නො‍රැවැටෙන ලෙසද දිගින් දිගටම කීවෙමු. ඔහුට කිසිසේතම ඉඩ ලබා දිය යුතු නැති බවත් එසේ වුවුහොත් සමස්ත සමාජයම නැවත බරපතල අනතුරකට මුහුණ දෙනු ඇති බවත් කීවෙමු..ඒ කිව් ලෙසටම දැන් වැඩ කටයුතු ආරම්බ වී තිබේ. හෙට අනිද්දා වන විට ගෝටා පාලනයේ සාහසික ත්‍රාසජනක හැසිරීම් අප ඉදිරියේහි පිහි‍ටුවනු ලබයි. ඉදිරි මහ මැතිවරණය තෙක් මෙහි සීමා සහිතභාවයන් දැකිය හැකි වන නමුත් මහ මැතිවරණයත් යම් ජයග්‍රහණයකින් අවසන් කර ගතහොත් නියම ගෝටා පාලනය දකින්නට ලැබෙනු ඇත.
දැන් රටේ අවාසනාවකට මුහුණ දීමට සිදුව තිබෙන්නේ වියරු ඒකාධිපතිත්වයකටය. 2015 ලත් ප්‍රජාතන්ත්‍රවාදී ජයග්‍රහණයන් ආපසු හැරවිය යුතු බව ගොටබයගේ දැඩි ස්ථාවරය වී තිබේ. ඔහුට අවශ්‍ය වන්නේ ඔහුගේ ක්‍රමයට රාජ්‍ය පාලනය කරගෙන යෑමටය. එනම් ප්‍රජාතන්ත්‍රවාදය හකුලා දමන නීතියේ ආධිපත්‍යය බල්ලට දමන ස්වාධීන අධිකරණ, ස්වාධීන් කොමිසන් සභා, තමන්ට ඔණෑ විදිහට නටවන විරුද්ධ වාදීන් ඝාතනය කර හෝ මැඩ පවත්වන මිලිටරි ආඥාදායකත්වයකි. බෙල්ලන්විල කහකඩධාරියා ඉදිරියේ නහයෙන් අඬමින් කිව්වේ මේ ටිකය. මෙය ඉතා භයංකර තත්වයකි.. ප්‍රජාතන්ත්‍රවාදී පිටීයේදී කරන සෙල්ලම මින් පසුව කිසිවකුට කරන්න ඉඩක් ලැබෙන්නේ නැත. සෙල්ලම් කරන්න අවශ්‍ය පිටිය ගෝටා විසින් නිර්මාණය කරණු ඇත. එමෙන්ම තරගයේ නීති රීති කොන්දේසි ගෝටාබය විසින්ම තීරණය කරනු ඇත. විනිශ්චයද ගොටා විසින් ගනු ලබනු ඇත. සෙල්ලම් කරන්න කැමති අයට මේ පිටියට යන්න සිදු වෙනු ඇත.
