සාමාන්‍ය බෙහෙත් කරලක් ගිලින අයුරින් මේ ක්ෂුද්‍ර කැමරාව ගිලීමෙන් පසු එය ආහාර මාර්ගය පුරා ගමන් කරමින් සාමාන්‍ය එන්ඩොස්කොපි ක්‍රමයෙන් ලබාගත නොහැකි තරම් දත්ත තොරතුරු සහ විකෘතිතා ඇත්නම් ඒවා ද වාර්තා කරන බව වෛද්‍යවරු පෙන්වා දෙති.
ලෙඩ් ආලෝකය මඟින් තත්පරයට 18 බැගින් ලබා ගන්නා ඡායාරූප සිරුරේ බාහිරින් බඳින බඳ පටයක සටහන් වේ.
මේ කැමරාව මිලිමීටර 11 ක් දිගැති කරලක් ලෙස තනා ඇති අතර බර ග්රෑම් 4 කි.
වෛද්‍ය සලිල් සිං මේ පිළිබඳ පවසන්නේ බාහිර ස්කෑන් පරික්ෂණයකින් දැකිය නොහැකි විස්තර රාශියක් සිරුරේ සැඟවී ඇති අතර ඒවා සොයා ගැනීමට කැමරාවක් ඇතුළු කිරීම මීට වසර 20 කට පමණ පෙර විද්‍යා ප්‍රබන්ධයක් වූ බවත් එය දැන් සැබෑවක් වී ඇති බවත්ය.
(සිළුමිණ-අරුණි මුතුමලී)
