එළඹෙන ජනාධිපතිවරණයේ අපේක්ෂකත්වය රනිල් වික්‍රමසිංහ සහ සජිත් ප්‍රේමදාස දෙදෙනාම බලාපොරොත්තු වූ අතර එම හේතුව නිසාම පක්ෂය කණ්ඩායක් දෙකකට බේදී යාම පසුගිය සති කිහිපය තුලදී දකින්නට ලැබිණි. මේ නිසා සැලසුම් කළ පරිදි එජාප මුලිකත්වයෙන් අරැඹීමට යෝජනා වූ නව සන්ධානය පිහි‍ටුවීමේ කටයුතුද තාවකාලිකව කල් දැමිණි. නායක දෙපල අතර බලය සම්බන්ධයෙන් වන එකඟතා ගිවිසුමකට අත්සන් තැබීමෙන් පසුව නව සන්ධානය පිහි‍ටුවීමේ අවසන් තීරණය ගැනීමට නියමිතය. එසේම සන්ධාන ව්‍යවස්ථාව සංශෝධනය කිරීමටද දෙපාර්ශ්වය එකඟ වී තිබේ.
කෙසේ නමුත් නායක දෙපලගෙ එකඟතාවය කුමක්ද යන්න ගැන තවමත් අණාවරණය වී නොමැති නමුත් වඩාත්ම ගැටලුකාරීව තිබුණේ එජාප නායකත්වය සම්බන්ධයෙනි. එජාප ආරංචි මාර්ග පවසන ලෙස එජාප නායකත්වය තව දුරටත් රනිල් වික්‍රමසිංහ අත තබා ගැනීමටත් ජනාධිපති අපේක්ෂකත්වය සජිත් ප්‍රේමදාස වෙත ලැබීමත් විය හැකි බවය.
