එහි දී ශ්‍රී ලංකාව කියන්නෙ ඉන්දු පැසිෆික් කලාපයේ අප සතු වටිනා සහායකයෙක්. අපි බලාපොරොත්තු වෙනවා ශ්‍රී ලංකා රජය හා පුරවැසියන් අතර බැඳීම් හා සබඳතා තවදුරටත් පවත්වාගෙන යන්න. යනුවෙන් ද සඳහන්.
මේ අතර ශ්‍රී ලංකාව පැවති දේශපාලන අර්බුදයට ව්‍යවස්ථානුකූලව ලබා දුන් සාමකාමී හා ප්‍රජාතන්ත්‍රවාදී විසඳුම පිළිගන්නා බව යුරෝපා හවුලේ ශ්‍රී ලංකාවේ නියෝජිතායතනය පවසනවා. ශ්‍රී ලංකාවේ ප්‍රජාතන්ත්‍රවාදී ආයතනවල ශක්තිමත් බව අගය කරන අතර සියලු ජාතීන් අතර ජාතික සංහිඳියාව හා සෞභාග්‍යය වෙනුවෙන් වූ කාර්යභාරයට තවදුරටත් අඛණ්ඩ සහාය ලබා දෙන බව යුරෝපා හවුල තවදුරටත් පවසනවා.
ශ්‍රී ලංකාවේ ඔස්ට්‍රෙිලියානු මහ කොමසාරිස් නිවේදනයක් නිකුත් කරමින් දිගුකාලීන මිත්‍රත්වයක් ඇති ඉන්දියානු සාගර කලාපයේ අසල්වැසි රාජ්‍යයන් දෙකක් ලෙස ශ්‍රී ලංකාවේ දේශපාලන අර්බුදයට විසඳුමක් ලබා දීම සම්බන්ධයෙන් සතුටු වෙමි.යි පවසනවා. ශ්‍රී ලංකාවේ සාමය, සංහිඳියාව හා සෞභාග්‍යය ස්ථාපිත කිරීමට සහ ශක්තිමත් ද්විපාර්ශ්වික සබඳතා ඇති කර ගැනීම වෙනුවෙන් තවදුරටත් අඛණ්ඩව සහය ලබා දෙමි. යනුවෙන්ද ඔහු පවසා සිටිනවා.
