සිරිසේන මේ කතාව කරන්නේ පෙරේදා සහ ඊට පෙර දින සිරිසේන සහ රනිල් අතර මුහුණට මුහුණ හමුවීම දෙකකට පසුවය. ඒ හමුවීම් වලදී මේ කතා කීවාද නැද්ද යන්න ගැන දන්නෙ ඒ දෙදෙනාය. ගැලරි පිනවන්න කතා කීමෙහි වැඩක් නැත..බැඳුම්කරයක් අල්ලාගෙන හෝද හොදා මඩේ දනවා මිසක් ජනාධිපතිවරයා ඒ ගැන වෙන මොකවත් සිදු කර නැත. තවම බැඳුම්කරයේ වංචාවක් වී තිබේද එය සිදු කළේ කවුද යන්න ගැනවත් නිශ්චිත අදහසක් දීමේ හැකියාවක් නැත..ඒ ගැන විමර්ශනය කෙරෙනවාද යන්න ගැන හෝ හෝඩුවවක් නැත. ඊට සම්බන්ඩ දෙදෙනෙකු රිමාන්ඩ් බාරයේ තබා සිටියත් ඒ විමර්ශ්න වල ප්‍රගතියක් ගැන අහන්නට හෝ නැත.
ඒ කෙසේ වූවත් සිරිසේන ඊයේ පවත්වපු කතාව ගැන කියන්න වෙන්නේ එය රනිල්ගේ දැනුවත් භාවය ඇතිවම කළ ප්‍රකාශයක් ලෙසයි. මන්ද සිරිසේන කළ වැරදි වල හැටියට සිරිසේනට රෙද්දක් ඇඳගෙන රනිල් ඉදිරියට පැමිණිමේ හෝ හැකියාවක් තිබුණේ නැත. සිරිසේනට රෙද්දක් අන්දවා එළියට ගත්තේ රනිල්ය.
රනිල් ව අගමැතිධුරයේ පිහි‍ටු වීම හැර සිරිසේනට 'නීත්‍යානුකූලව' වෙන කරන්න දෙයක් ඉතිරිව තිබුණේ නැත. තව දුරටත් සිරිසේනට පිස්සු නැටිය නොහැකි බව ඔහුට අවබොධකර දුන්නෙ කතානයක කරූ ජයසූරියයි..කිසිවකුත් නොදන්නා භුමිකාවක් ඔහු මෙහිදී කළේය. සිරිසේනට රනිල්ව අගමැතිකර මේ ප්‍රශ්නයෙන් රට බේරගන්නා ලෙස අවබෝධ කර දුන්නෙ කරූය. තමන් බිත්තියටම හේත්තු වී ඇති බවත් වෙන පිස්සු න‍ැටුවොත් මිනිස්සු බෙල්ලෙන් අල්ලා එළියට දමනු ඇති බවත් සිරිසේන තේරුම් ගත්තේ කරූගෙ මැදිහත් වීම නිසාය.
අවසන් වරට වූ සාකච්ඡාවේ දී සිරිසේන ඉල්ලා සිටියේ එකම ඉල්ලීමකි. ඒ තමන්ට එරෙහිව දොෂාභියෝගයක් නොගෙනෙන ලෙස රනිල්ව එකඟකරවා දෙන ලෙසය. රනිල් දුන් පොරොන්දුව මත සිරිසේනගේ තිබූ ප්‍රාණ බය අහෝසි වී රනිල් සමඟ සාකච්ඡාවට එකඟ විය. ඒ අනුව රනිල්ට මොනම විදිහකින්වත් අගමැතිකම නොදෙනවා කියන මෝඩ ස්ථාවරය අත් හැර රනිල්ව පිලිගැනීමට සිරිසේන එකඟ විය.
මේ තිරයෙන් පි‍ටුපස සිදුවීම් අවසානයේ සිරිසේන රනිල් ඉදිරියේ තබාගෙනම කළ ප්‍රකාශයේ කිසිදු වැදගැම්මක් නැති එක්ක බව පැහැදිලි කාරණයකි. එය රනිල්ගෙද දැනුවත් භාවය අවබෝධය අනුව සිදු කෙරුණක් බවට සැක නැත. සිරිසේන කියන කතාව රනිල්ට කිසිසේත්ම වැදගත් වූයේ නම් නැත. මන්ද ඒ කරන චෝදනා කිසිවක් ඔහුට අදාල නැති බැවිනි. පරාජිතයකුට හිතේ හැටියට අඳෝනා නැගීමට ඉඩක් ලැබුණා මිස එතනදී වෙන කිසිදෙයක් වූයේ නැත.
සත්‍ය ලෙසම ඒ ඒ පාක්ෂිකයන් සිතා සිටිනවාට වඩා වෙනස් යමක් තිරයෙන් පි‍ටුපස සිදු විය. ඒ සිරිසේන මහින්ද රනිල් සහ සම්බන්දන් අතර වූ නොනිල ගිවිසුමයි.. දේශපාලන අර්බුදය විසැඳුනේ ඒ ගිවිසුම අනුවය. ඒ ගිවිසුම කුමක්ද යන ගැන ඉදිරි දිනවලදී ඔවුන් කටයුතු කරන ආකාරය අනුව තේරුම් ගත හැක.
ඒ කුමක් වූවත් රට හමුවේ නිවැරදි දේ ක්‍රියත්මක කිරීම විය යුතුව තිබේ රටේ ජනතාව අවධියෙන් සිටිය යුත්තේ ඒ ගැනය. දේශපාලකයන් ජනතාව ඉදිරියේ පවසන්නේ ඇත්ත නොව බොරුව වසා ගැනීමට ඇත්ත වගේ කියන බොරුය.
