එම කණ්ඩායම සිරිසේනගේ කුමන්ත්‍රණයට සෘජුවම විරුද්ධව සිටි අතර තීරණාත්මක අවස්ථාවකදී සිරා මරා කුමන්ත්‍රණයට එරෙහිව පාර්ලිමේන්තුවේදී ක්‍රියාත්මක වීමේ සූදානමකිද පසුවිය.
කුමන්ත්‍රණය පරාජයෙන් පස්ව තවදුරටත් යහපාලන මූලධර්ම හිඳිමින් කටයුතු කිරීමට එම පිරිස තීරණය කර තිබේ. ඒ අනුව එජාපයේ මූලිකත්වයෙන් හෙට දින ආරම්බ වන නව ආණ්ඩුවට සහය වීමටද පසුගිය දින කිහිපයෙ පැවැති සාකච්ඡාව්ලදි මෙම කණ්ඩායම එකඟ වී තිබිණි.
ජනවාරි 08 ජනතාවට දුන් "යහපාලන" පොරොන්දු යථාර්තයක් බවට පත්කිරීමේ අරමුණින් යුතුව ශ්‍රීලනිපයේ මෙම කණ්ඩායම හා රනිල් වික්‍රමසිංහ මහතා සහ මංගල සමරවීර ඇතුළු එජාප ජේෂ්ඨයන් සමඟ කළ සාකච්ඡාවලදී ප්‍රතිපත්තිමය එකඟතාවයකට පසුගිය සතිය වන විට එළඹ තිබිණි.
නිදහස් පක්ෂය නියෝජනය කරන පාර්ලිමේන්තු මන්ත්‍රීවරුන් වන දුමින්ද දිසානායක, මහින්ද අමරවීර, විජිත් විජිතමුනි සොයිසා, ලසන්ත අලගියවන්න, වීරකුමාර දිසානායක, ෆයිසර් මුස්තාපා, සාරතී දුෂ්මන්ත මිත්‍රපාල, ඉන්දික බණ්ඩාරනායක, ලක්ෂ්මන් සෙනවිරත්න, කාදර් මස්තාන්, ශ්‍රියානි විජේවික්‍රම ඇතුළු පිරිසක් 'ජනවාරි 08 මිතුරෝ' නමින් ශ්‍රීලනිපය තුළ අභ්‍යන්තර සංවිධානයක් ලෙස කටයුතු කිරීමට තීරණය කර තිබේ.
මෙම එකමුතුවේ කැඳවුම්කරු ලෙස ශ්‍රීලනිප ජාතික සංවිධායක පාර්ලිමේන්තු මන්ත්‍රී දුමින්ද දිසානායක නම් කර ඇති බවත් එම කණ්ඩායම අද (15) පෙරවරුවේ දී මහින්ද අමරවීර මහතාගේ නිවසේදී සිය පළමු නිල හමුව පවත්වා ඇති බවත් දැනගන්නට ඇත.
එසේම මෙම පාර්ශවය ශ්‍රී ලංකා පොදුජන පෙරමුණ සමඟ පොදු පෙරමුණක් වෙත සහය දැක්වීම ප්‍රතික්ෂේප කරන බවත් විශ්වාසවන්ත ආරංචිමාර්ග සඳහන් කරයි.
