ජනාධිපති ගෝඨාභය රාජපක්ෂ මෙරට ජනාධිපතිවරයා ලෙස අප පත්කර ගත්තේ අහම්බයක් හෝ කරුණු හරි හැටි නොදැන නොවේ.. මේ රට මේ රටේ මිනිස්සු වෙනුවෙන් විය යුතු නායකත්වයේ වගකීම ගැන බොහෝ කරුනු කාරණා ඇතිවය.. ඔහු නිවැරදි තීන්දුව ගත්තේය. නිවැරදි වැඩ පිළිවෙලවන් ඉදිරිපත් කළේය. නායකයකු ලෙස ලබාදිය යුතු කොන්ද පණ ඇති සෘජු තීන්දු තීරණ සමඟ ඔහු තවමත් එලෙසම සිටී.. ඔහු සමඟ ඒ ජවයෙන් ඒ අධිෂ්ඨානයෙන් ඒ විශ්වාසයෙන් ඒ අවංකත්වයෙන් ඒ ගමන යන්නට හැමෝටම බැරි බව ඇත්තය.. ඒ හැකියාව නැති , බොරුවෙන් වංචාවෙන් රැවටිල්ලෙන් කිසිවෙකුට ඔහු සමඟ යා නොහැකි බවත් දුටුවෙමු. තමන්ට වාසියක් නැතැයි කියා මඟ නවතින් උන්ද දුටුවෙමු. තමන්ගේ අසමත්කම් පෙන්වමින් මඟ ඇදවැටෙන උන්ද දුටුවෙමු.
ඒ වගේම කකුල් මාට්‍ටු දමා , මඟ වරදවා, මේ ගමන ආපසු හරවන්නට කැස කවන උන්ද දුටුවෙමු.. එහෙත් ඒ අනන්ත බාධක හිරිහැර හමුවේත් නායකයකයාගේ ගමන සිදුවෙමින් තිබේ. ඒ දරාගැනීමට නොහැකි වුවන්ගේ ආඩපාලි නින්දා අපහාස කොතෙකුත් වූවද ඔහු නොනැවතී ගමන් කරයි. ඔහු කියන්නේ එය කළ හැකි බවයි.. එය කළ යුතු බවයි. වැදගත්ම දෙය එයය. නායකයකුගේ අධිෂ්ඨානය නොපසුබස්නා වීර්යය ජයග්‍රහණයම ගෙන එනවා මිස පරාජය වීමක් නැත. ඔහුට ශක්තියක් වීමට දසලක්ෂ සංඛ්‍යාත මහ සෙනගක් සිටී.. ඔහු ලබාදෙන නායකත්වයේ ආදර්ශය මතු දිනෙක ඔහු අතින් ගිලිහෙන කොඩිය අතගැනීමට තවත් දහස් ගන්නක ඔහු පිටිපසින් පැමිණෙනවාද ඇත...එය කිසිදා පරාජය වීමක් නැත. අරමුණ ජයග්‍රහණය කරන තෙක් මේ ඉදිරියට ඇදෙනවා ඇත.
මේ රටේ ජයග්‍රහණය වෙනුවෙන් අප පෙළ ගැසිය යුත්තේ එවන් නායකත්වයක් වටා විනා බොරු වීරයන් රැවටිලිකාරයන් තක්කඩියන් සමඟ නොවේ. අද මේ මොහොතේත් දැනට පෙනෙන නුදුරු අනාගතයේත් අපට වෙන විකල්ප නැත. රටේ සෞභාග්‍යය උදාකරනු වස් ඇති එකම විකල්පය ජනාධිපති ගෝඨාභය රාජපක්ෂ සමඟ වන මේ දුෂ්කර ගමන පමණය. එය අසීරුයි.. බාධාකාරීයි.. කම්කටොලු සහිතයි...අසීමිත කැපකිරීම් කරන්න වේවී.. බොහෝ වෙහෙසෙන්නට සිදුවෙවී...ඒත් අවශ්‍යම දේ මේ ගමන් යාමයි..ඊට ඇවැසි එඩිතර විශ්වසවන්ත නායකත්වය ජනාධිපති ගෝඨාභය රාජපක්ෂ ලබා දී තිබියදී ඔහු මඟ හැර යාමට රටට ආදරය ඇති, මේ රටේ යහපත් සුබදායක අනාගතය ගැන හිතන පතන මිනිසුන්ට කළ නොහැක. වෙන විකල්ප නැත.. මේ තමයි එකම අවස්ථාව... අපි ගමන් කරමු ජයග්‍රහණය තෙක් ගමන් කරමු....අපි දිනනවා..එය වැලැකවිය නොහැකියි.
-the novemberist
