පෞද්ගලික අංශයේ සේවකයන්ගේ වැටුප් වැඩි කිරීමට පනතක් සම්මත කරන බවට වත්මන් ආණ්ඩුව පොරොන්දු වුවද එම පොරොන්දුව ඉටු නොකළ නිසා වෘත්තීය සමිතිවලද දායකත්වයෙන් සකස් කල පනත් කෙටුම්පතක් අජිත් කුමාර විසින් පාර්ලිමේන්තුවට ඉදිරිපත් කරන ලදී. එහෙත් එය විවාදයට නොගෙන ප‍්‍රමාද කර අතහැර දමන කුමන්ත‍්‍රණයක් කැබිනට් මණ්ඩලය තුළ ක‍්‍රියාත්මක වන බව පෞද්ගලික අංශයේ වෘත්තීය සමිති පවසයි.

ඇමෙරිකානු රාජ්‍ය ආරක්ෂක දෙපාර්තමේන්තුව විසින් නිකුත කළ වාර්තාවක් අනුව ශ්‍රී ලංකාවේ ජාතික ආරක්ෂාව අනතුරට පත්ව ඇතැයි හිටපු ආරක්ෂක ලේකම් ගෝඨාභය රාජපක්ෂ මහතා නිවේදනයක් නිකුත් කරමින් සඳහන් කරයි.

මූල්‍ය වංචාවක් සම්බන්ධයෙන් ඊයේ අත්අඩංගුවට ගත් රාඩා ආයතනයේ මූල්‍ය පරිපාලන අධ්‍යක්ෂ ආචාර්ය ජයන්ත සමරසිංහ ලබන ජූලි 8 දක්වා රිමාන්ඩ් කිරීමට අධිකරණය අද(24) නියෝග කළේය.

විෂමතා ඉවත් කළ විශ්‍රාම වැටුප ලබන ජූලි මස සිට විශ්‍රාමිකයින්ට ලබා දීමට කටයුතු සලසා අැත.

සුනාමි ව්‍යසනයෙන් විපතට පත් උතුරු නැගෙනහිර ජනතාවට නිවාස තනාදීමේ අරමුණින් පිහිටවූ රාඩා ආයතනයේ සිදුවූ මූල්‍ය වංචා සම්බන්ධයෙන් ප්‍රශ්න කිරීමෙන් අනතුරුව රාඩා ආයතනයේ හිටපු ගණකාධීකාරීවරයෙකු වූ ජයන්ත සමරසිංහ අත්අඩංගුවට ගෙන තිබේ.

අනාරක්‍ෂිත ලිංගික හැසිරීම්වලට යොමුවීම හේතුවෙන් පසුගිය වසරේදී පාසල් සිසුන් 22 ක්‌ ද, මෙම වසරේදී පාසල් සිසුන් 23 ක්‌ ද, එච්අයිවී ඒඩ්ස්‌ වෛරසයට ගොදුරු වී ඇතැයි ඒඩ්ස්‌ මර්දන වැඩසටහනෙහි අධ්‍යක්‍ෂ විශේෂඥ වෛද්‍ය සිසිර ලියනගේ මහතා පවසයි.

පදික වේදිකාවේ වෙළෙඳාම් කිරීමට ඉඩ නොදෙන ලෙසට ජනාධිපතිවරයා තමාට නියෝග කළ බව කොළඹ නගරාධිපති ඒ.ජේ.එම්. මුසම්මිල් මහතා පැවසීය.