පළාත් පාලන මැතිවරණයේ ප්‍රතිඵල විග්‍රහ කිරීම තවම අවසන්ව නැත. ශ්‍රී ලංකා පොදුජන පෙරමුණ ලබාගත් ‘ජයග්‍රහණය’ කිසිවෙක් බලාපොරොත්තු වූ සීමාවට එහා ගිය ජයග්‍රහණයක් ලෙස බොහෝ දෙනා සලකනු පෙනේ. අලුතෙන් පටන්ගත් පක්ෂයක් මෙවන් ජයග්‍රහණයක් ලැබූ පළමු අවස්ථාවයැයි බොහෝ දෙනා කියති.

අත්තනෝමතිකව රඳවා ගැනීම් පිළිබඳ එක්සත් ජාතීන්ගේ ක්‍රියාකාරී කණ්ඩායම පසුගිය සිකුරාදා (15දා) රටින් පිටව ගියහ. එසේ පිටව යන්නට පෙර ඔවුහු බණ්ඩාරනායක ජාත්‍යන්තර සම්මන්ත්‍රණ ශාලාවේදී පුවත්පත් සාකච්ඡාවක් පැවැත්වූවෝය. ඒ පසුගිය 4දා සිට පුරා දින 11ක් තිස්සේ ලංකාවේ මානව හිමිකම් තත්ත්වය ගැන සොයා බලන්නට කළ සංචාරයෙන් පසු ස්වකීය නිර්දේශ හා යෝජනා පිළිබඳව රටේ මාධ්‍ය දැනුවත් කරන්නටය. ලංකාවේ එක්සත් ජාතීන්ගේ නේවාසික සම්බන්ධීකරණ නිලධාරීනි උෟනා මැකෝලි සමඟ එක්සත් ජාතීන්ගේ විශේෂඥ කණ්ඩායමට අයත් ජෝ ඇන්ටෝනියෝ ගුවේරා බර්මූඩස්, ලී ටුමේ සහ එලීනා ස්ටීනර්ට් යන නියෝජිතයෝ මේ අවස්ථාවට එක්ව සිටියහ.