ජාතික නිදහස් පෙරමුණේ නායක හිටපු ඉදිකිරීම්, ඉංජිනේරු සේවා නිවාස හා පොදු පහසුකම් ඇමති විමල් වීරවංශ මහතාව අද(09) අල්ලස් කොමිසමට කැඳවා තිබේ.
ත්‍රස්තවාදය වැළැක්වීමේ පනත යටතේ අත්අඩංගුවට ගෙන රඳවා සිටින ජෙයකුමාරි බාලේන්දිරන් ඇතුළු මෙතෙක් චෝදනා ඉදිරිපත් කර නැති දේශපාලන සිරකරුවන් පිරිසක් ඉන්දීය අගමැති නරේන්ද්‍ර මෝඩි මහතාගේ ශ්‍රී ලංකා සංචාරයට පෙර නිදහස් කරනු ඇතැයි ඉන්දීය මාධ්‍ය වාර්තා පවසයි.
ක්‍රීඩා සංගම් මා‍ෆියාවට එරෙහිව වැටක්, වසර 4ක් සිටි නිලධාරීන්ට නැවත තනතුරු බෑ
වසර 4ක කාලයක් ක්‍රීඩා සංගම්වල ප්‍රධාන නිලතල දැරූ කිසිවෙකුට නැවැත එම ක්‍රීඩා සංගම්වල නිලතල ලබාගැනීමට නීතිමය ඉඩකඩක් නොමැති බව නීතිපතිවරයා විසින් ක්‍රීඩා අමාත්‍යාංශයට දැනුම්දී ඇතැයි වාර්තා වේ.
ශ්‍රී ලංකා නිදහස් පක්ෂය සම්පූර්ණයෙන්ම ප්‍රතිසංශෝධනය කර නව සැලසුම් යටතේ ක්‍රියාත්මක කිරීම සඳහා හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය ශ්‍රීලනිපයේ ප්‍රතිපත්ති සහ සැලසුම් කමිටුවේ සභාපතිනිය ලෙසත් හොරණ දිස්ත්‍රික් පාර්ලිමේන්තු මන්ත්‍රී විදුර වික්‍රමනායක මහතා එහි ලේකම් ධුරයටත් පත් කර ඇත.
ජාත්‍යන්තර කාන්තා දිනය අදට (08) යෙදී තිබේ. එක්සත් ජාතීන්ගේ සංවිධානය මෙවර ජාත්‍යන්තර කාන්තා දිනයේ තේමාව ලෙස කාන්තාව බල ගැන්වීම මනුෂ්‍ය වර්ගයා බල ගැන්වීම යන්නයි. කාන්තාවට යහපත් රටක් යන තේමාව යටතේ ශී‍්‍ර ලංකාව අද ජාත්‍යන්තර කාන්තා දිනය සමරනු ලබයි.
යම් අමාත්‍යාංශයක හෝ ආයතනයක විෂය පථයට අදාළව මහජනතාවට හෝ ජනමාධ්‍යයට තොරතුරු සැපයීමෙන් මුළු රජයමත් ආයතනයක්‌ හෝ නිලධාරියකු අසීරුතාවට පත්වීමට ඉඩ ඇත්නම් ඒ සම්බන්ධයෙන් ආයතන සංග්‍රහය අනුව කටයුතු කිරීමට වග බලා ගත යුතු යෑයි ජනාධිපති ලේකම් පී. බී. අබේකෝන් මහතා සියලුම අමාත්‍යාංශ ලේකම්වරුන්ට හා පළාත් ප්‍රධාන ලේකම්වරුන්ට ලි ඛිතව දැනුම් දී ඇත.
බන්ධනාගාර රැඳවියන්ට පරිගණක තාක්ෂණ පුහුණුව ලබාදීමේ කඩිනම් ව්‍යාපෘතියක් ආරම්භ කිරීම කෙරෙහි රජය අවධානය යොමු කර අැත.
