දූෂණ හා අල්ලස් චෝදනා එල්ලවූ ඉහළ පෙලේ දේශපාලකයන් 61 දෙනෙකු ගැන පැමිණිළි අල්ලස් හෝ දූෂණ විමර්ශන කොමිෂන් සභාවට ලැබී තිබෙන බව එම කොමිසාරිස් දිල්රුක්ෂි වික්‍රමසිංහ මහත්මිය සඳහන් කරයි.

විවෘත විශ්ව විද්‍යාලයීය සිසුන් විසින් සිය ඉල්ලීම් දිනා ගැනීම වෙනුවෙන් පවත්වාගෙන යන සත්‍යග්‍රහය කඩාකප්පල් කිරීම සඳහා ඊයේ දිනයේදී පොලීසිය උත්සහ කළ බව එම සිසුන් පවසති.

යෝජිත 19 වන ව්‍යවස්ථා සංශෝධනයෙන් විධායක ජනාධිපතිධුරයේ විධායක බලතල අහෝසි කෙරුණද මෛත්‍රීපාල සිරිසේන මහතා මෙරට ජනතා ඡන්දයෙන් පත්වූයේ විධායක ජනාධිපතිවරයකු ලෙස බැවින් ඔහුගේ ධුරකාලයට පමණක් සීමාවන පරිදී විධායක බලතල කිහිපයක් තිබිය යුතු බව එක්සත් ජාතික පක්ෂය යෝජනා කර තිබේ.

ජ්‍යෙෂ්ඨ නියෝජ්‍ය පොලිස්පති අනුර සේනානායක තමන්ගේ මාගේ කිරිල්ලී සීඩී තැටිය විකුණා උපයාගත් මුදලින් කොටසක් වන රුපියල් කෝටිය (රු. 10000000.00) ක මුදලක් පොලිස් රණවිරුවන්ගේ නිවාස තැනීම සඳහා පොලිස් සේවා වනිතා ඒකකයට පරිත්‍යාග කළ බව පොලිසිය නිවේදනය කරයි. එමගින් ඔහු සැරසෙන්නේ තමා කළ පව් සෝදා ගැනීමට බවනම් පැහැදිලිය.

සැබෑ වෙනසක් ඇති කිරීමේ අභිලාෂයෙන් එජාපය හා අනෙකුත් පක්ෂ වල කැමැත්ත පරිදි සකස් කළ දින සියය වැඩසටහනේ එන බොහෝ වැදගත් පොරොන්දු මේ වන තෙක් ඉටුවී නැති බව සාධාරණ සමාජයක් සදහාවූ ජාතික ව්‍යාපාරය පවසයි. 18 දා පැවති මාධ්‍ය හමුවක් අමතමින් ඔවුන් මෙම අදහස් පළ කළේය.

ජාතික ළමා ආරක්ෂණ අධිකාරියේ නව සභාපතිනිය ලෙස නීතිඥ නටාෂා බාලේන්ද්‍ර මහත්මිය සහ උප සභාපති වශයෙන් නීතිඥ සජීව සමරනායක මහතා පත් කර ඇත.