මෙම කාන්තා මිනීමැරුම් වලින් සියයට 69 ක්‌ම නිසි පරිදි වාර්තා නොවන බව හෙළිවී ඇති අතර අධ්‍යයනයට ලක් කාන්තා මිනීමැරුම් 243 න් 128 ක්‌ම අපරාධකරු එම කාන්තාවන්ගේ නීත්‍යනුකූල සැමියා බව අනාවරණය වූ බව මෙම වාර්තාව එළිදැක්‌වූ පෙරේදා (05 දා) කොළඹ බණ්‌ඩාරනායක ජාත්‍යන්තර සම්මන්ත්‍රණ ශාලාවේ පැවති උත්සවයකදී. අධ්‍යයනයේ ප්‍රධාන පර්යේෂිකාව වන කැලණිය විශ්ව විද්‍යාලයේ වෛද්‍ය පීඨයේ අධිකරණ වෛද්‍ය විද්‍යාව පිළිබඳ මහාචාර්ය අනුරුද්ධි එදිරිසිංහ මහත්මිය පැවසුවාය.
තුන්වසරක්‌ පුරා පවත්වා ඇති මෙම අධ්‍යයනයට අනුව අධිකරණ ක්‍රියාවලියේදී මහාධිකරණය දක්‌වා ඉදිරියට ගොස්‌ ඇත්තේ මෙම කාන්තා මිනීමැරුම්වලින් සියයට 30 ක සංඛ්‍යාවක්‌ පමණක්‌ බව මහාචාර්යවරිය කීවාය. එම අධිකරණ ක්‍රියාදාමය ද අවසන්වීමට වසර තුනක කාලයක්‌ ගත වී ඇත.
මෙහිදී අදහස්‌ දැක්‌වූ අධ්‍යයනයට දායක වූ වෛද්‍ය උදාරා සේනාරත්න පවසා සිටියේ මෙරට ජනමාධ්‍ය කාන්තාවන් හා ගැහැනු ළමුන්ගේ අස්‌වාභාවික මරණ පිළිබඳව වාර්තා කිරීමේදී ඒ පිළිබඳව වඩාත් සංවේදී විය යුතු බවය.
divaina.lk
කොළඹ විශ්වවිද්‍යාලයේ සමාජ විද්‍යා දෙපාර්තමේන්තු ජ්‍යෙෂ්ඨ කථිකාචාර්ය ආචාර්ය සුබාංගි එම්. කේ. හේරත්, කැලණිය විශ්ව විද්‍යාලයේ ඉංග්‍රීසි භාෂා දෙපාර්තමේන්තුවේ මහාචාර්ය මෛත්‍රී වික්‍රමසිංහ හා කොළඹ විශ්ව විද්‍යාලයේ විශ්‍රාමික නීතිය පිළිබඳ මහාචාර්ය සාවිත්‍රි ගුණසේකර යන මහත්මීහු මේ අවස්‌ථාවට සහභාගී වූහ.
