හිට්ලර් ගැන හිතුවොත් කොහොමද. අපි සියලු දෙනා දන්න විදිහට ඔහු ලෝකයේ අහිංසක මිනිසුන් විශාල ප්‍රමාණයකගේ මරණයට වගකිව යුතු කෘර පාලකයෙක්.

එත් ඔබ නොදන්නා දෙයක් තිබෙනවා. ඔහු දක්ෂ චිත්‍ර ශිල්පියෙක්. මිනිස් ජීවිත ගැන හැඟීමක් නැති හිටලර් වැනි මිනිහෙකුත් එක වෙලාවකදී සංවේදී කලාකාරයෙක්.

පසුගියදා ජර්මනියේදී  පැවැත් වුණු වෙන්දේසියකදී හිට්ලර් විසින් අඳින ලද දියසායම් සහ ඩ්‍රෝවිං චිත්‍ර ඉහළ මිලකට අලෙවි උනා. ඔහු විසින් අඳින ලද  Neuschwanstein Castle චිත්‍රය වැඩිම මිලකට එනම් ශ්‍රී ලංකා මුදලින් මිලියන 15ක මුදලකට  අලෙවි උනා.

මීට අමතරව A still-life of carnations චිත්‍රය රුපියල් මිලියන 10ට අලෙවි වෙලා. ඒවගේම  තවත් එවැනිම දියසායම් චිත්‍ර කිහිපයක්ම  ඉහල ලංසුවකට  අලෙවි වෙලා තිබෙනවා.

මෙම චිත්‍ර හිට්ලර්ගේ බව සැළකෙන්නේ ඔහු චිත්‍රවලට පහතින් "A Hitler" යනුවෙන් අත්සන් තබා තිබීම හේතුවෙනුයි.

ඒවගේම ඔහු දෙවරක්ම වියානා සරසවියේ ලලිත කලාව හැදෑරීම සඳහා ඉල්ලුම් කරත් එය ප්‍රතික්ෂේප වී තිබෙනවා. ඉන්පසුව  තමයි ඔහු හමුදාවට බැඳෙන්නෙ.

ඔහුට සරසවි වරම් හිමි උනානම් ඔහුගේ ජීවිත කතව වගේම ලෝක ඉතිහාස කතාවත් මීට වඩා  සුන්දර වෙන්න තිබුනා.