දුරකතන , පරිගණක, ඔ‍රලෝසු නිෂ්පාදක කැලිෆෝනියාවේ කූපටිනෝ සමාගම පවසන්නේ සම්පූර්ණ මෝටර් රථයක් නිපද වීමේ හැකියාව දැන් සොයා බලමින් සිටින බවයි. ඔවුන්ගේ කටයුතු මෝටර් රථ මෘදුකාංග හෝ උපාංග සැලසුම් කිරීමට සීමා නොකරන බවත් සඳහන් කර තිබේ.
ඇපල් සමාගමේ ප්‍රධාන විධායක නිලධාරී ටිම් කුක් පවසා ඇත්තේ මෝටර් වාහන කොටස් සහ නිෂ්පාදන ක්‍රමපිළිබඳව උපදෙස් ලබා ගන්නා බවයි. එහිදි විදුලි බලයෙන් ක්‍රියාකරන වාහන සහ ඊට සම්බන්ධිත තාක්ෂණය පිළිබඳවත් ස්වයංක්‍රීය විදුලි මෝටර් වාහන නිෂ්පාදනය කෙරේත් විශේෂ අවධානයක යොමු කරන බවත් පවසා තිබේ.
එය විදුලියෙන් ක්‍රියාත්මක වන වාහනයක් හෝ ඊටත් වඩා පරිණාමය වූ ස්වයංක්‍රීය වාහනයක් විය හැකි බවත් ආරංචි මාර්ග පවසයි. ඇපල් සන්නාමය යටතේ විදුලියෙන් ක්‍රියාකරන මෝටර් වාහනයක් නිෂ්පාදනය කිරීමට රහසිගත විද්‍යාගාරයක්ද පිහිටුවා ඇතැයි වෝල් ස්ට්‍රීට් ජර්නලය වාර්තා කර තිබේ.
