මහේලගේ හිස් තැන පිරවීම දුෂ්කර නමුත් කණ්ඩායමේ ප්‍රගතිය වෙනුවෙන් වගකීම් භාර ගැනීමට නව පරපුරේ ක්‍රීඩකයන් සූදානම් බවත් ඔහු පැවසීය.
"ඔහු වගේ ක්‍රීඩකයෙක් කණ්ඩායමට අත්‍යවශ්‍යයි. නමුත් ඔහු තීරණය කරලා තියෙනව සමුගන්න කියල. ඉතින් අපි ඔහු කළ සේවයට ස්තුතිවන්ත වෙනවා," යනුවෙන්ද ඔහු පැවසීය.
නායක මැතිව්ස් ඒ බව කියා සිටියේ, දකුණු අප්‍රිකාවට එරෙහි ටෙස්ට් තරඟාවලිය පිළිබඳව මාධ්‍යවේදීන් හමුවේ අදහස් දක්වමිනි.
ටෙස්ට් තරඟාවලිය වෙනුවෙන් කණ්ඩායමේ විශාල වෙනස්කම් කෙරෙනු නැති බවත් කණ්ඩායමේ නායකයා සඳහන් කළේය.
"කණ්ඩායම තෝරා ගන්න ඉතාමත් අපහසු තත්වයක ඉන්නේ මොකද විශේෂයෙන් පන්දු යවන්නන් සියලු දෙනාම හොඳින් පන්දු යවනවා," යනුවෙන්ද ඔහු කියා සිටියේය.
උපුල් තරංග සහ කෞශල් සිල්වා ටෙස්ට් තරඟ දෙකේ ආරම්භක පිතිකරුවන් ලෙස ක්‍රීඩා කරනු ඇති බවත් ඇන්ජලෝ මැතිව්ස් කියා සිටියේය.
(බිබිසි)
