ශ්‍රී ලංකා ක්‍රිකට් කණ්ඩායමක් නවසීලන්ත සංචාරයකට පිටත් වූයේ වසර 8කට පසුවය. එවර සංචාරයට සහභාගී වූ ක්‍රීඩකයින්ගෙන් අද පිටත් වූ කණ්ඩායමට එක්වී ඇත්තේ කුමාර සංගක්කර පමණි.
මුලින්ම ටෙස්ට් තරඟ දෙක පැවැත්වෙන අතර ඉන්පසු පැවැත්වෙන එක්දින තරඟ සඳහා ටෙස්ට් ක්‍රිකට් වලින් සමුගෙන සිටින මහේල ජයවර්ධන, තිලකරත්න ඩිල්ෂාන්, ලසිත් මාලිංග එක්වීමට නියමිතව ඇත.
නවක ක්‍රීඩකයින් සමඟ නවසීලන්තයේ වේගවත් තණ තීරුවල ක්‍රීඩා කිරීම අභියෝගයකි. මේ පිළිබදව නායක ඇන්ජලෝ මැතිව්ස් පවසා ඇත්තේ එම අභියෝගය ජය ගැනීම සඳහා තම කණ්ඩායම සූදානම් බවය.
