එහිදි තානාපතිවරිය කියා සිටියේ මේ වන විට ශ්‍රී ලංකාවේ පවතින දේශපාලන අර්බුදය විසඳා ගත හැකි වන්නේ ප්‍රජාතන්ත්‍රවාදී ක්‍රියාමාර්ග මගින් බවයි. අමෙරිකානු රජය ශ්‍රී ලංකාවේ දේශපාලන ක්‍රියාකාරකම් සම්බන්ධයෙන් අවධානයෙන් සිටින බවද ඇය පැවසුවා. මෙහිදි ශ්‍රී ලංකාව ප්‍රජාතන්ත්‍රවාදී න්‍යායන්ට ලරු කරමින් නීත්‍යානුකූල රජයක් පිහිටුවීම කෙරෙහි අවධානය යොමු කරතැයි තමන් විශ්වාස කරන අතර මේ වන විටත් මෙම අර්බුදය ශ්‍රී ලංකාවේ ආර්ථිකයට දැඩි බලපෑමක් එල්ල කර ඇති බව ද සඳහන් කළා.
විශේෂයෙන්ම රුපියල අවප්‍රමාණය වීම හා සංචාරකයන් පැමිණෙන සමය වන දෙසැම්බර් මාසයේදී සංචාරක කර්මාන්තය ද අර්බුදයට ලක් වීම ශ්‍රී ලංකා ආර්ථිකයට එතරම් යහපත් නොවන බවත්, ඇතැම් ආයෝජකයන් හා වානිජ මණ්ඩල සාමාජිකයන් ද ආර්ථික අර්බුදය හේතුවෙන් ලංකාවේ ආයෝජනය කිරීමට අදිමදි කරන බවත් ඇය පැවසුවා.
ඒ හේතුවෙන් ජනාධිපති සිරිසේන ඇතුළු දේශපාලන නායකයන් මෙම කරුණු සම්බන්ධයෙන් කල්පනාකාරී වනු අතැයි අපේක්ෂා කරන බව ද ඇය කියා සිටියා.
