ජනතාව විසින් පොදුජන පෙරමුණ ගැන තබා ඇති විශ්වාසය කිසි ලෙසකින් කඩ නොකරන බව සදහන් කරන ලේකම්වරයා ඉතිහාසයේ කිසිදා ප්රධාන පක්ෂයක් කුඩා පක්ෂයක් යටතේ තරග කර නැතැයිද කියා සිටී.
ඒ ආකාරයෙන් තම පක්ෂය යටතේ තරග කිරීමට ශ්රී ලංකා නිදහස් පක්ෂයට හැකියාව ඇති බවත් ඒ සදහා සන්ධානගත වීමට සාකච්ඡා කළ හැකි යයිද ඔහු කියයි.
ශ්රී ලංකා පොදුජන පෙරමුණේ ප්රධාන කාර්යාලයේදී පැවති මාධ්‍ය හමුවක් අමතමින් ඔහු මෙම අදහස් පල කලේය.
මේ අනුව සිරිසේන ජනාධිපතිවරයා ශ්‍රීලනිපයේ 2020 ජනාධිපති අපේක්ෂකයා ලෙස ඉදිරිපත් වීමේ සිහිනය බිඳ වැටී තිබෙන අතර ශ්‍රිලංකා නිදහස් පක්ෂයේත් ගමනක අවසානය මේ වන විට තහවුරු වී හමාරය.
පසුගිය ජනාධිපතිවරණයෙන් පසුව ශ්‍රිලනිපයේ නායකත්වය බාරගත් සිරිසේන වසර 4 ක් තුල ශ්‍රීලනිපයද විනාශ කර ඔහුගේ දේශපාලනයද විනාශ කර ගැනීම මේ යුගයේ සුවිශේෂී දේශපාලන සිදුවීම බවට පත් කර තිබේ.
හැමදාම ශ්‍රීලනිප පමණයි , ශ්‍රීලනීපය වෙනුවෙන් ජීවිත පරදුවට තබන්නට සුදානම් බව කියමින් සිටි දුමින්ද දිසානායකලා මහින්ද අමරවීරලා ඇතුලු අර‍ටු බැහැපු ශ්‍රිලංකා කාරයෝ දැන් කියන්නෙ කුමක්දැයි ශ්‍රීලනිප පාක්ෂිකයෝ බලා හිඳිති. මහින්ද රාජපක්ෂගේ උගුලෙ වැටී සිරිසේන තමාවත් තමන්ගේ පක්ෂයත් ඒ පිරිසිදු ශ්‍රීලංකා කරයන්වත් දැන් මහින්දට පාවා දී සියල්ල විනාශ කර තිබේ.
