ඒ මහතා මේ බව පැවසුවේ කොලඹදී පැවති මාධ්‍ය හමුවක් අමතමිනි. 


බොදු බල සේනා මහලේකම් පූජ්‍ය ගලබොඩඅත්තේ ඥාණසාර හිමියන් විසින් තමන්ට දිගින් දිගටම සිදුකරන චෝදනාවන්ට එරෙහිව නඩු පවරන්නැයි ජනාධිපතිවරයා පැවසු බවත්, ඒ අනුව ඥානසාර හිමියන්ගෙන් රුපියල් බිලියනයක වන්දියක් ඉල්ලා නඩු පවරන බවත්  සේනාරත්න මහතා එහිදී කීය.

ජනාධිපති මහින්ද රාජපක්ෂ මහතා ද හමුවූ අවස්ථාවේදීද තමන් මේ ගැන සාකච්ඡා කළ බවද කී ඇමතිවරයා, ''රාජිත ඒවාට උත්තර දෙන්න යන්න එපා. නඩු පවරන්න''යයි ජනාධිපතිවරයා තමන්ට එහිදී පැවසූ බවත්,  මෙය කුමන්ත්‍රණයක් බවත් තමන්ගේ මැතිවරණය ව්‍යාපාරයට ද මේ නිසා දැනටමත් හානියක් වී ඇතැයි ජනාධිපතිවරයා පැවසූ බවත් වැඩිදුරටත් කීය.