එහිදි තානාපතිවරයා කියා සිටියේ ප්‍රජාතන්ත්‍රවාදී ප්‍රතිපත්ති හා ව්‍යවස්ථාපිත ප්‍රතිපාදන අනුව යමින් ඇති වී තිබෙන දේශපාලන අර්බුදයට පිළියම් යොදන ලෙසයි. යම් විදියකින් මේ සඳහා නිශ්චිත ක්‍රියාමාර්ග ගැනීමට අපොහොසත් වුණොත් යුරෝපා සංගමය යළිත් ශ්‍රී ලංකාවට එරෙහිව ආර්ථික සම්බාධක පනවන බව ටුන්ග් ලායි මාග්‍යු මහතා කියා සිටිනවා.
මානව හිමිකම් උල්ලංඝනය වීම් හා නීතියේ ආධිපත්‍යයට හානි සිදුවීම නිසා 2010 වසරේදී ශ්‍රී ලංකාවට GSP+ බදු සහනය අහිමි වුණා.
නමුත් යහපාලන රජය පත් වූ පසු අගමැති වික්‍රමසිංහ මහතා යුරෝපා සංගමය සමඟ දීර්ඝ ලෙස සාකච්ඡා කිරීමේ ප්‍රතිඵලයක් ලෙස ශ්‍රී ලංකාවට යළිත් GSP+ බදු සහනය ලබා ගැනීමට හැකි වුණා.
GSP+ බදු සහනය යළිත් ශ්‍රී ලංකාවට අහිමි වුවහොත් මෙරට අපනයන ආදායම ඩොලර් බිලියන ගණනින් අඩුවීමේ අවදානමක් මතුව තිබෙනවා. මේ වන විටත් රට මුහුණ දී ඇති ආර්ථික අර්බුදය හමුවේ මෙවැන්නක් සිදු වීම රටේ අනාගතයට ඵලදායී නොවන බවයි ආර්ථික විශේෂඥයන් පවසන්නේ.
මේ හේතුවෙන් සිරිසේන ජනාධිපතිවරයා හිතුවක්කාරී සහ අත්තනෝමතික ලෙස සිය බලය අවභාවිත කිරිම හමුවේ යුරෝපා හවුලේ දෙවැනි නිවේදනය අද (30 ) පෙරවරුවේ සිදු කර තිබුණා.
https://newsin.asia/defiant-sirisena-claims-75-popular-support-as-eu-threatens-trade-sanctions
