මහින්ද රාජපක්ෂ අගමැතිධුරය බාරගනු ලැබුවේ , ජනාධිපතිවරයා විසින් 120 ක බහුතරයක් තමන් සතුව තිබෙන බවත් ගැටලුවක් නොමැතිව ආණ්ඩුවක් පිහිටුවිය හැකි බවට පොරොන්දුවක් ලබා දෙමින් බව මීට පෙර වාර්ථා විය.
කෙසේ නමුත් මේ වන විට ශ්‍රීලනීපයේ සියලු මන්ත්‍රීවරුන්ගෙ සහයොගය හෝ ලබා ගැනීමට ජනාධිපතිවරයා අසමත්ව තිබේ. මේ තත්වය අනුව බැසිල් රාජපක්ෂ පාර්ශ්වය ඊයේ රාත්‍රියේම තීරණය කර තිබුනේ ඇමැතිකම් බාර නොගෙන සිටීමටය.
දුමින්ද දිසනායක ඇතුලු ශ්‍රීලනීපයේ මන්ත්‍රීවරු දස දෙනෙකු ස්වාධීනව කටයුතු කරන බව අද උදෑසන ජනාධිපතිවරයාට කළ දැනුම් දීමත් සමඟ අර්බුදය තව වැඩි වී ඇත. මේ වන විට ජනධිපතිවරයාගේ පාර්ශ්වය එජාප මන්ත්‍රීවරු අමතමින් තමන්ට සහයෝගය ලබා දෙන ලෙසත් ඒ වෙනුවෙන් ලැබෙන වරප්‍රසාද ආදිය ගැන කියමින් සිටින බව වාර්තා වේ.
කෙසේ නමුත් අගමැති රාජපක්ෂගෙ පත්වීම සම්බන්ධයෙන් කිසිදු රාජ්‍යක් විසින් පිලිගැනිමට ලක් නොකර සිටීමද විශෙෂත්වයකි. එමෙන්ම බොහො රාජ්‍යයන් විසින් ජනාධිපතිවරයාගේ ප්‍රජාතන්ත්‍රවාදී නොවන ක්‍රියාර්ගය අකුලා ගන්න ලෙසද බල කර තිබේ. එසේ නොවුණහොත් ජාත්‍යන්තරව තහංචි පැනවීමේ අවධානමක් තිබෙන බවද අවධාරණය කර තිබේ. මේ අතර ශ්‍රී ලංකාවේ සංචාරය නොකරන ලෙස පුරවැසියන්ට දැනුම් දිමද රාජ්‍යයන් ගනනාවක් විසින් සිදු කර තිබිම මේ සම්බන්ධයෙන් දැඩි අවධානයක් ජාත්‍යන්තර ප්‍රජාව යොමු කර තිබෙන බවද පැහැදිලිය
