ඒ ගමන...මෛත්‍රී + මහින්ද විලිලැජ්ජා නැති ආණ්ඩුවකට එකඟතාවයක්!. පිස්සුද මන්දා

Published in පුවත්
Wednesday, 14 February 2018 22:31

මහින්ද රජපක්ෂගේ ඒකාබද්ධ විපක්ෂය නියෝජනය කරන කණ්ඩායම ඇතුලු ශ්‍රීලනීප මන්ත්‍රීවරු 96 දෙනාට ජනාධිපති සිරිසේන විසින් අලුත් ආණ්ඩුවක් පිහි‍ටු වීමට ආරාධනා කර තිබෙන බව පැවැසේ. මේ.. ඒ දෙවනවරටය.. පසුගිය පළාත් පාලන මැතිවරණ වේදිකාවේ සිට මෙම යෝජනාව මුල් වරට ප්‍රකාශ කළ අතර අද දෙවන වරට ශ්‍රිලනීප මැති ඇමැතිවරුන් පිරිසක් හමුවේ ප්‍රකාශ කර තිබේ.

පළමු අවස්ථාවේදී ද මහින්ද පිලෙන් යොජනාව පිළිගැනුනු අතර එහිදී කොන්දේසියක් වූයේ ශ්‍රිලනීප ඇමැතිවරු පළමුවෙන් ඇමැතිකම්වලින් ඉවත් වියයුතු බවත් අගමැතිධුරය මහින්ද රාජපක්ෂට ලබා දියයුතු බවත්ය.. නමුත් ඉන් පසුව මෛත්‍රී කීවේ..තමන් එලෙස ආරාධනා කළේ ඒ දූෂිතයන් කිසිවකුත් තමා සමඟ ආණ්ඩු පිහි‍ටුවීමට නොඑන බව දැනගෙන බවය. තමන් කිසිසේත්ම ඒ දූෂිතයන් සමඟ ආණ්ඩු පිහි‍ටුවන්නෙ නැති බවත් කීවේය.

කෙසේ නමුත් එදා ඒ කළ සිංහ නාදය අද බලු කෙඳිරියක් තරම්වත් නොවටිනා තැනකට වැටී තිබේ.. මහින්දට අගමැතිකම දෙන්නම් කියා ඔහුට ආරාධනා කිරීමට තරම් මෛත්‍රීපාල ජනාධිපතිවරයා විලි ලැජ්ජා නැති තැනට පත්ව තිබේ.

ඊයේ රාත්‍රියේ අගමැතිවරයා ඇතුළු එජාප නායකයන්ට ජනාධිපතිවරයා එකඟ වී තිබුණේ මෙම ජාතික ආණ්ඩුව ඉදිරියට පවත්වාගෙන යෑමට කැමැති බවය. අද දුමින්ද දිසානායක මහතාද මාධ්‍ය හමුවේ පැවසූවේ රටට ලබාදුන් පොරොන්දු ඉ‍ටුකිරීමේ වගකීම පක්ෂ දෙකටම තිබෙන බැවින් ජාතික ආණ්ඩුව ඉදිරියට පැවැතිය යුතු බවත් ජනාධිපතිවරයා එය පිළිගෙන ලබන සිකුරාදා විශේෂ ප්‍රකාශයක් කරනු ඇති බවත්ය.

කොහොම නමුත් මේ දිනවල පරාජයේ දැඩි සිත් වේදනාවෙන් පෙලෙන ජනාධිපතිවරයා තමන් හා විවිධ පාර්ශ්ව සමඟ කෙරෙන සාකච්ඡාවකලදී ඒ එක් එක පාර්ශ්වලට වෙන වෙනම පොරොන්දු , එකඟවීම් ලබාදීම සිදු කරමින් තිබේ. නමුත් උදේ පවසනු ලබන දේ.. දවල් වෙනස් කරනු ලැබේ.. යළි සවස කියන්නෙ වෙනම කතාවකි ..පහුවදාට අලුත්ම කතාවකි.. එම පිළිවෙලට මේ දිනවල වැඩ කටයුතු කෙරෙන බැවින් ජනාධිපතිවරයා වැඩක් කර ඇණ ගන්නා තෙක් ඒ ගැන විශ්වාස නොතැබිය යුතුය.

 

Leave a comment

Gossip

විශ්වාසභංගයෙන් වැඩක් නෑ.. ශ්‍රිලනිප කැබිනට් සංශෝධනය මැයි 7න් පසුවට කල්තබයි

විශ්වාසභංගයෙන් වැඩක් නෑ.. ශ්‍රිලනිප කැබිනට් සංශෝධනය මැයි 7න් පසුවට කල්තබයි

කැබිනට් මණ්ඩලයේ ශ්‍රීලනිප ඇමැතිවරුන්ගේ විෂය මාරු කිරීම මැයි 07 වන දිනෙන් පසුව සිදු කිරීමට ජනාධිප...

රනිල් එළවීමේ සටනේ නායකත්වය චතුර බාරගනී

රනිල් එළවීමේ සටනේ නායකත්වය චතුර බාරගනී

අග්‍රාමාත්‍ය රනිල් වික්‍රමසිංහ මහතාට එරෙහිව ඉදිරිපත් කිරීමට නියමිත විශ්වාස භංග යෝජනාවට එ...

නීතිඥ නෝනාවරුන්,  මහත්වරුන්ගේ කලිසම දිනාගති

නීතිඥ නෝනාවරුන්, මහත්වරුන්ගේ කලිසම දිනාගති

ලෝක කාන්තා දිනයට සමගාමීව විවෘත අධිකරණවල පෙනී සිටින නීතිඥවරියන් හට නව ඇඳුමක් හඳුන්වාදීම ඊයේ (8දා) සිද...

අගමැති විශ්වාසභංගය, ශ්‍රීලනීපභංගයක් බවට පෙරළේ..

අගමැති විශ්වාසභංගය, ශ්‍රීලනීපභංගයක් බවට පෙරළේ..

අගමැති රනිල් වික්‍රමසිංහට එරෙහිව ගෙන එනවා යැයි කියන විශ්වාසභංග යෝජනවක් ගැන ගැන කසු කුසුව නිසා. ශ...

Connet With Us

       Google+