ගීතා කුමාරසිංහ ශ්‍රී ලංකාවේ සහ ස්විට්සර්ලන්තයේ පුරවැසිභාවය හිමි අයෙකු බැවින් ඇයගේ පාර්ලිමේන්තු මන්ත්‍රීධුරය අභියෝගයට ලක් කරමින් අභියාචනාධිකරණය හමුවේ ගොනු වූ පෙත්සමක් විභාගයට ලක් කිරීම හේතුවෙන් මෙම නියෝගය ඉදිරිපත්කර තිබේ.
මෙරට නව මැතිවරණ නීතිය අනුව ද්විත්ව පුරවැසිබාවය හි අයෙකුට මෙරට මැතිවරණ සඳහා ඉදිරිපත් විය නොහැක. කුමාරසිංහ මහත්මිය පසුගිය මහ මැතිවරණයට ඉදිරිපත් වීමට ප්‍රථම ස්විස්ටර්ලන්ත පුරවැසිභාවය අහොසි කර ගැනීම සිදු නොකොට තිබිණි. පසුව ඒ ඉවත් කර ගැනීම සඳහා ඇය කටයුතු කරගෙන තිබුණ ද ඇය මෙරට නීතිය උල්ලංඝනය කරමින් මැතිවරණය සඳහා ඉදිරිපත් වීම සිදු කොට ඇත.
කෙසේ නමුත් කුමාරසිංහ මහත්මියගේ මන්ත්‍රීධුරය අත් හි‍ටුවීමට මැතිවරණ කොමසාරිස්වරයා කටයුතු කිරීමෙන් පසුව එකසත් ජනතා නිදහස් සන්ධනයේ ගාල්ල දිස්ත්‍රික් අපෙක්ෂක ලැයිස්තුව අනුව මීළඟට වැඩිම මනාප සංඛ්‍යාවක් ලබා ඇති අපේක්ෂකයා වන්නේ හිටපු ඇමැති පියසේන ගමගේ මහතාය.
