මෙම දූෂිත ගල් අඟුරු ටෙන්ඩරය ඉහත කී සමාගමට ලබා දිම සඳහා ඇමැති සියඹලාපිටිය එම අමාත්‍යංශ ලේකම් සුරේන් බටගොඩ හා ප්‍රසම්පාදක මණ්ඩලය හා තවත් නිලධාරීන් පිරිසක් පසුගිය වසරකට වැඩි කාලයක් මුලුල්ලේ දැඩි වෙහෙසක් ගත් අතර අවසානයේදී ජනාධිපතිවරයා හා කැබිනට් මණ්ඩලය, පාර්ලිමේන්තුව නොමඟ යවා සටකපට ලෙස කටයුතු කර තිබිණි. මේ සම්බන්ධයෙන් සත්‍ය කරුණු කාරනා හෙළිදරව්ව පැවැතියත් එම ගනු දෙනුව වැලැක්වීම වෙනුවෙන් කිසිදු ක්‍රියාමාර්ගයක් ආණ්ඩුව ගත්තේද නැත.
මේ වන විට මෙම වංචාකාරී ගනු දෙනුව සම්බන්ධයෙන් මාධ්‍ය වාර්තා පලවීම වැලැක්වීම වෙනුවෙන්ද මාධ්‍ය ආයතන වලට කප්පම් ලබා දිමද සිදු කරමින් තිබෙන බවත් වාර්තාවේ. එපමණක් නොව විගනකාධිපතිවරයාටද මේ සම්බන්ධයෙන් බලපෑම් කර තිබිණි.
කෙසේ නමුත් විගනකාධිපති වාර්තාවේ ගල්අඟුරු ටෙන්ඩර සම්බන්ධයෙන් ලංකා ගල් අඟුරු සමාගම විචක්ෂනශිලීව කටයුතු කර නොමැති බවත් ඒ සම්බන්ධයෙන් අදාල වගකිවයුත්තන් විමසා බැලිය යුතු බවටද එක් නිර්දේශ්යක් ඉදිරිපත් කර තිබිණි. ඒ දඩමීමා කර ගනිමින් මෙම සමාගම විසුරුවා හැර ගල් අඟුරු වංචාවෙන් බේරී සිටීමට මෙම දූෂිතයන් කටයුතු කර තිබෙන බව පැහැදිලිය. මෙම ගල් අඟුරු මගඩිය සම්බන්ධයෙන් ගල් අඟුරු සමාගමේ නිලධාරීන්ගේ සම්බන්ධයක් තිබුණ හෝ නැතා මෙම දූෂිත ගනු දෙනුව සිදු වූයේ ගල් අඟුරු සමාගමට පාලනය කළනොහැකි දේශපාලන අධිකරියේ කැමැත්ත පරිදිය.
