විශෙෂයෙන්ම ජනාධිපතිවරයා මීට පෙර අවස්ථා කිහිපයකදී උතුරට ගොස් යුද්ධයෙන් පීඩාවට පත් ජනතාවට දුන් පොරොන්දු කිසිවක් මේ දක්වා ඉටු නොකිරීමත් මෙතෙක් ලැබෙමින් තිබුණ සහනාධාරද කප්පාදු කිරීමක් සිදුව තිබිමත් මේ විරෝධයට හේතුවී තිබේ.
එසේම මෙම ගැටලු සම්බන්ධයෙන් ජනාධිපතිවරයා ගේ මෙවර සංචාරයේදී සාකච්ඡා කිරීමට සිවිල් සංවිධාන අවස්ථාවක් ඉල්ලා තිබුණද එය ලබා දිමටද කටයුතු කර නොමැත.
මේ වන විට යුද්ධයෙන් අවතැන් වූවන් දසදහසකට ආසන්න පිරිසක් සිටී. රාජය විසින් අල්ලා ගන්න ලද ඔවුන්ගේ ඉඩම් සඳහා විකල්ප ඉඩම් හෝ මේ වන තෙක් ලබා දිම සිදුව නොමැත.
මේ සම්බන්ධයෙන් අප වෙත අදහස් දැක්වූ එම සංවිධාන නියෝජිතයකු කීවේ අවතැන් ජනතාව යුධ හමුදාව භාරයේ ඇති තමන්ගෙ මුල් ඉඩම් වල පදිංචියට යැමට සූදානමකින් පසු වන බවය. හමුදාවේ විරෝධය නොතකා එම ඉඩම් වලට ඇතුවීමට ඇතැම් කණ්ඩායම් මේවන විට තීරණය කර ඇති නිසා යළි හමුදාව හා ගැ‍ටුමක් ඇතිවන්නට පෙර මේ ප්‍රශ්ය විසඳිම සඳහා ජනධිපතිවරයා වහා මැදිහත් විම ඔවුන් බලාපොරොත්තු වන බවත් ඔහු පැවසීය.
