එහිදී වැඩිදුරටත් අදහස් දක්වමින් මන්ත්‍රීවරයා පවසාසිටියේ අපේ රටේ තරුණ තරුණියන් මුහුණදෙන අධ්‍යාපන ප්රශ්න, රැකියා ප්රශ්න අතරට දෑවැද්දක් නැතිකමින් විවාහ වීමට නොහැකිවීමේ ප්‍ර‍ශ්නයද ඇතුළත් බවයි.
ඔහු පවසන්නේ අවශ්‍යනම් දෙමව්පියන් තම දේපලක් දරුවන් හට ලබාදුන්නාට ගැටළුවක් නැති බවයි. එහෙත් වර්තමානයේ අපි 21 සියවස දෙස බලද්දී මෙරට විවහවලදී විශාල වශයෙන් දෑවැදි ලබා ගැනීමේ ක්‍රියාවලිය නිසාම තරුණ තරුණියන් මෙන්ම ඔවුන්ගේ දෙමාපියන්ද විශාල පීඩනයකට මුහුණදී ඇති බවයි.
එම නිසා දෑවැදි ක්‍රමය තහනම් කරන ලෙස වත්මන් ආණ්ඩුවෙන් ඉල්ලා සිටින බවත් මෙම පැරැණි ක්‍රමය තවදුරටත් පවත්වාගෙන යෑමම ලැජ්ජා සහගත දෙයක් බවත් මන්ත්‍රීවරයා පැවැසීය.
මෙරට තරුණයන්ගේ ප්රශ්න ගැන අවධානය යොමු කරමින් ඒ මහතා වැඩිදුරටත් පවසා සිටියේ තරුණ තරුණියන්ගේ රැකියා අහිමි කරන “එක්ටා” ගිවිසුම අත්සන් නොකරන ලෙස එම ගිවිසුමට එරෙහිව රට පුරා දැවැන්ත විරෝධතාවයක් නිර්මාණය කරන බවයි.
බිබීසි
