මෛත්‍රිපාල සිරිසේන ජනාධිපතිවරයා එක්සත් ජනතා නිදහස් සන්ධානයේ නායකත්වයේ ඉන්නා තුරු ඔහු සමග මැතිවරණයකට නොයන බවද උදය ගම්මන්පිල පවසයි.
යමක් එකම තියරියට කරලා වෙනස් ප්‍රතිඵල දකින්න එපා යැයි ඇල්බට් අයිස්ටයින් පවා කියා ඇති බව උපුටා දක්වමින් ඊයේ පැවැති මාධ්‍ය හමුවකදී මේ බව පැවසීය.
ජනවාරී 8 හා අගෝස්තු 17 මැතිවරණවලින් එම තියරිය සනාථ වූ බවත්, ඒ නිසා ඔහුගේ නායකත්වයෙන් ඉදිරි පළාත් පාලන මැතිවරණයට තරඟ නොකිරීමට තීරණයක් ගෙන අවසන් බව ඔහු සදහන් කළේය.
කොහොම නමුත් මේවන විට උදය ගම්මන්පිල යනු විපක්ෂයට වී සිටින එක මන්ත්‍රීවරයකු පමණක් වන අතර තවත් එවැනිම මන්ත්‍රීවරු පිරිසක් සමඟ ඉදිරි පළාත්පාලන මැතිවරණය සඳහා වෙනම කණ්ඩායමක් ලෙස එම පිරිස තරගකිරීමට තීරණය කර තිබේ. මෙම කණ්ඩායමට නායකත්වය දෙනු ලබන්නේ හිටපු ජනාධිපති මහින්ද රාජපක්ෂ විසින්ය.
