ඇමෙරිකාව ඇතුළු විදේශ රටවල තානාපති නිලධාරීන් පිරිසක් ද එම අවස්ථාවට සහභාගී වෙමින් සිටි බවද වාර්තාවේ.
අද සඳුදා සවස රැස්වීම ආරම්භ වී පැයකට පමණ පසු භික්ෂූන් වහන්සේලා අටදෙනකුද ඇතුළත් යුතු කණ්ඩායම පැමිණ රැස්වීම නවත්වන මෙන් තර්ජනය කල බව එම රැස්වීමේ සංවිධායකයෙක් කියා සිටියේය.
රාජ්‍යතාන්ත්‍රිකයන්ටත් තර්ජන
සිය සාකච්ඡාවට බාධා කළ පුද්ගලයන් අතුරුදහන් පුද්ගලයන්ගේ ඥාතීන්ට සහ විදේශ තානාපති නිලධාරීන්ට බැණ වැදුණ බවත් ඉහත කී සංවිධායකයා ප්‍රකාශ කළේය.
" අපි ඇමරිකාවෙන් මුදල් ලබන දේශ ද්‍රෝහීන් යයි පවසමින් ඔවුන් අපට බැණ වැදුණා " එම සංවිධායකයා පවසයි.
පොලිසිය සිද්ධිය වූ ස්ථානයට ලඟා වුවත් අතුරුදහන්වූ පුද්ගලයන්ගේ පවුල්වල සාමාජිකයන්ට ආරක්ෂාව ලබා දීමට නොහැකි නිසා එම ස්ථානයෙන් ඉවත්ව යන ලෙස පොලිසිය පවසූ බවත් ඔහු කියා සිටියේය.
සාකච්ඡාවට සහභාගී වෙමින් සිටි කණ්ඩායමට මේ වන විට එම ස්ථානයෙන් පිටව යාමට හැකි වී ඇති බවත් වාර්තා වෙයි.
(බිබිසි සංදේශය)
