මේ අවස්ථාවේදී ඒ මහතා, වැඩි දුරටත් කියා සිටියේ මිනිසුන් ගේ ඉල්ලීම අහක දැමීමට නොහැකි නිසා පැමිණි බවත්. ඇතිවෙන මළ ගෙවල් සඳහා නොපැමිණීමට ඉඩ ඇති නමුත් තම අරමුණ අනාගත පරම්පරාව වෙනුවෙන් සිදුකළ යුතු සියළුම සේවාවන් මේ ආමාත්‍යාංශයේ සිට සිදුකරණ බවත්ය.
ස්වදේශකටයුතු අමාත්‍යාංශයේ වැඩ බාරගැනීමේන් අනතුරුව තම ගම් ප්‍රදේශය බලා පිටත්වූ වජිර අබේවර්ධන මහතා පිළිගැනීම පිණිස උත්සව විශාළ ප්‍රමාණයක් සංවිධානය කර තිබුණි. ගාල්ල බෙන්තර පාලම අසල පිහිටි බුදුපිලිම වහන්සේ වැඳ පුදා ගත් වජිර අබේවර්ධන මහතා වෙනුවෙන් කොස්ගොඩ, අහුංගල්ල, බලපිටිය, අම්බලංගෝඩ සීනි ගම දේවාලය, හික්කඩුව, රත්ගම ඟිංතොට, ඟිංතොට ඩිපෝව, ගාල්ල දෙවැට, උණවටුන, හබරාදුව යන ස්ථාන වල පිළිගැනීමේ උත්සව ආරම්භ කර තිබිණි.
