විනිසුරු ළඟ හොර අලියෙක්!

Published in පුවත්
Monday, 04 August 2014 09:34

කොටුව මහේස්ත්‍රාත් තිලිණ ගමගේ මහතා සතු අලි පැටවා නීතියට පටහැනිව ලබා ගත් එකකු  බව විගණකාධිපති දෙපාර්තමේන්තුව විසින් නිකුත් කරන ලද විගණන විමසුමක් මගින් හෙලිදරව් වී ඇත.

විමසුම් අංක TH/L/2013/VV02 දරණ 2014 ජූලි 22 දින සහිතව වනජීවී සම්පත් සංරක්ෂණ අධිකාරියේ ලේකම්වරයාට යවන ලද විගණන විමසුමට අදාළව විගණකාධිපති දෙපාර්තමේන්තුව නීති විරෝධී යැයි සැලකූ අලි පැටවුන් 4 දෙනෙකුගේ ලිපි ගොණු පරීක්ෂා කර ඇත.

අංක 331, 334, 358, 359 දරණ ලිපිගොණු අංක යටතේ අංක 334 ලිපිගොනුවට අදාළ තිලිණ ගමගේ මහතාගේ අලිපැටව් පිළිබඳ පරීක්ෂා කර ඇති අතර අලි පැටවුන් පිළිබඳ සහතික නිකුත් කර පශු වෛද්‍ය නිලධාරී, ග්‍රාම නිලධාරී, ප්‍රාදේශීය ලේකම්වරුන් සහ විෂයභාර ලිපිකරුවන් ආදී විවිධ පුද්ගලයන්ගේ ප්‍රකාශ ද සටහන් කරගෙන ඇත.

ඉහත ගවේෂණයට අදාළව තිලිණ ගමගේ මහතා සතු අලි පැටවාගේ ලිපි ලේඛන ව්‍යාජ ලිපි ලේඛන බව තහවුරු වී ඇති අතර 2012 ඔක්තෝම්බර් 26 වෙනි දිනැති අංක VV5/1/1-334 ලිපිය මගින් වැඩබලන අධ්‍යක්ෂකවරයා මෙම බලපත්‍රය අවලංගු කර ඇති බවද හෙලි වී ඇත.

පසුව වත්මන් අධ්‍යක්ෂක ජෙනරාල්වරයා 2013 දී නැවතත් බලපත්‍රය ලබාදී ඇත. 

මෙම තොරතුරු සියල්ල ඉහත කී විගණන විමසුම් වාර්තාව හෙලිදරව් කර ඇත. එම වාර්තාවට අදාළව තිලිණ ගමගේ මහතාගේ අලි පැටවා මෙන්ම අනෙක් අලි පැටවුන් 3 දෙනාද නීති විරෝධී ක්‍රමයට බලපත්‍ර ලබාගෙන සන්තක කර ගෙන ඇති බව සනාථ කර ගෙන ඇත.

මේ පිළිබඳව වනජීවී සංරක්ෂණ අමාත්‍යංශයේ ලේකම් උදය වික්‍රමසිංහ මහතාගෙන් කරුණු විමසීමේදී ඒ මහතා තමන්ට එවැනි විගණන විමසුම් වාර්තාවක් ලැබුණ බව සනාථ කලේය. එයට තම අමාත්‍යංශය සති දෙකක කාලයක් ඇතුළත පිළිතුරු සැපයිය යුතු යැයි ප්‍රකාශ කළ අතර එය කිරීම සඳහා එය අධ්‍යක්ෂක ජෙනරාල්වරයාට යොමුකළ බවත් පැවසීය.

මේ පිළිබඳව ජෛව සංරක්ෂණ මධ්‍යස්ථානයේ විමුක්ති වීරතුංග මහතාගෙන් කරුණු විමසීමේදී මෙම වාර්තාවෙන් හෙලිවන කරුණු මත ලංකවේ නීති අංශ ගන්නා පියවර දෙස තමන් විමසිල්ලෙන් බලාසිටින බවත් මේ සඳහා වනජීවී අධ්‍යක්ෂක ජෙනරාල් වගකිවයුතු බවත් ඒ මහතා සඳහන් කර සිටියේය.


(රාවය)

Leave a comment

ld add copy

Gossip

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

ජනාධිපති රනිල් වික්‍රමසිංහ මහතා සහ පොදුජන පෙරමුණේ නිර්මාතෘ හා හිටපු අමාත්‍ය බැසිල් රාජපක්ෂ මහතා අතර...

Connet With Us