මේ අතරින් කැෆේ සංවිධානය බදුල්ල දිස්ත්‍රික්කයේ මත්පැන් බෙදාදීම් සම්බන්ධයෙන් කළ පැමිණිල්ලකට අනුව බදුල්ල පස්සර පාරේ ස්ථානයකදී ලංකා කම්කරු කොංග්‍රසයේ අපේක්ෂකයෙකුට ඡන්දය දෙන ලෙස පවසමින් පුද්ගලයින් 67 දෙනෙකුට මත්පැන් බෙදාදීමක් වැටලීමට සුරාබදු නිලධාරීහු සමත්වී තිබේ.මෙම ස්ථානයේ සිටි කළමණාකාරවරයා සහ මත්පැන් ලබාගත් පුද්ගලයෙක් පොලිස් අත් අඩංගුවට පත්වී ඇත.
මේ ආකාරයටම මාතලේ ලග්ගල නාගොල්ලලියද්ද සහ කොස්ගොල්ල ප්‍රදේශයේදී අංක MW PE 9129 සහ KJ 7899 අංක දරන වාහන වලින් මත්පැන් සහ මුදල් බෙදමින් සිටින බවට කැෆේ සංවිධානය වෙත තොරතුරු වාර්තා විය. මේ සම්බන්දයෙන් කැෆේ සංවිධානය 119 පොලිස් හදිසි ඇමතුම් ඒකකයට පැමිණිලි කළ නමුත් මේ දක්වා එම පිරිස අත් අඩංගුවට ගැනීමට සුරාබදු නිලධාරීන් සමත්වී නොමැත.මේ ආකාරයට නුවරඑළිය පුඩලුඔය ඒරෝ ස්ටේට් ප්‍රදේශයේ අංක 54 - 6050 දරන වාහනයෙන් මත්පැන් බෙදමින් සිටින බවට තොරතුරු වාර්තා වී තිබේ.
මාතලේ , පුත්තලම, කුරුණෑගල යන දිස්ත්‍රික්ක වල සිදුවන මත්පැන් බෙදාදීම් වැටලීම සඳහා සුරාබදු නිලධාරීන් නිසි පරිදි ක්‍රියාත්මක නොවීමේ තත්වයක් දක්නට ලැබෙයි.
