එසේම කොමාන්ඩෝ රෙජිමේන්තුවේ නව අධිපතිවරයා ලෙස බ්‍රිගේඩියර් රැල්ෆ් නුගේරා පත් කර තිබේ.
පසුගියදා මිරිහාන ප්‍රදේශයේදී ආයුධ සන්නද්ධ හමුදා බට පිරිසක් සමඟ අත්අඩංගුවට ගන්නා ලද සුදු වෑන් රථය ප්‍රසන්න සිල්වා මහතාගේ සේවය පිණිස යුධ හමුදාවෙන් ලබා දුන්නක් බව හෙළි වූ අතර ඒ මොහොතේ නිල නොවන කටයුත්තක් වෙනුවෙන් එම රථය යොදාගෙන තිබු බවත් සිල්වා මහතාට අයත් පි‍තෝලයද එම සෙබළු අත තිබී අත්අඩංගුවට ගන්නා ලදී. එමෙන්ම එහි අංක තහඩුවද වෙනස් කර තිබීම ගැන චෝදනා එල්ල විය.
මෙම සිදු වීම රාජපක්ෂ වාදීන් මහින්ද රාජපක්ෂ මහතා ඝාතනය සඳහා ගත් උත්සාහයක් බවට ප්‍රචාරය කළ නමුත් ප්‍රසන්න සිල්වා මහතා ඒ වන විටත් මහින්ද රාජපක්ෂගේ මැතිවරණ වයාපාරයට එක් වී කටයුතු කරමින් සිටි බවත් හෙළි විය.
