ජනාධිපතිවරයාගේ හා හිටපු ආරක්ෂක ලේකම් ගෝඨාභය රාජපක්ෂ මහතාගේ උපදේශකයින් පිරිසකගේ එකඟතාවය මත සිදු කෙරෙන මෙම ප්‍රකාශයත් සමග මේවනවිට එක්සත් ජාතික පෙරමුණට සහය දෙමින් සිටින ප්‍රබලයකු යළි සන්ධානය වෙත එක්වීමට නියමිත බවද ඉහත ආරංචිමාර්ග වලින් වැඩි දුරටත් වාර්තා වේ.
මෙම රහස් මෙහෙයුමට අනුව, හිටපු ජනාධිපතිවරයා ද එක්කර ගනිමින් 'මෛත්‍රී සමග පෙරට' ප්‍රචාරක ව්‍යාපෘතිය වහාම දියත් කිරීමට තීරණය කර ඇත.
මහ මැතිවරණයෙන් පසු වත්මන් ජනපති මෛත්‍රිපාල සිරිසේන මහතා සමග සහයෝගයෙන් වැඩ කිරීමට තමා සුදානම් බව හිටපු ජනාධිපති මහින්ද රාජපක්ෂ මහතා ඊයේ (09) කොළඹ පැවති මාධ්‍ය හමුවකට එක්වෙමින් කියා සිටියේය.
තමා මෛත්‍රීපාල මහතාගේ නායකත්වය පිළිගැනීමට සුදානම් බව හිටපු ජනාධිපතිවරයා ප්‍රකාශ කරන්නේ එහි දිගුවක් ලෙසය. එමෙන්ම අද දින දිනපතා පුවත්පත්වල අනාගතයට සහතිකයක්- මෛත්‍රීපාලනයක් යනුවෙන් දැන්වීම දැමීමටද රජපක්ෂ මහතා කටයුතු කොට ඇත.
