එක්සත් ජාතික පක්ෂය එක් වැඩි ආසන සංඛ්‍යාවක් හෝ ලබා ගන්නේ නම් අගමැතිධුරය රනිල් වික්‍රමසිංහ මහතාටත් එක්සත් නිදහස් සන්ධානය එය ලබා ගන්නේ නම් සුසිල් ප්‍රේමජයන්ත් මහතාටත් ලබාදීම සඳහා මේවන විට එකඟතාවයකට පැමිණ ඇත. ඒ අනුව නියෝජ්‍ය අගමැති ධුරය අනෙක් පක්ෂයට හිමිවේ.
මේ අතර ජාතික ආණ්ඩුවේ 45 කින් යුක්ත කැබිනට් මණ්ඩලය වෙනුවෙන්ද දෙපාර්ශ්වය මේවන විට නම් ලැයිස්තු සූදානම් කරමින් සිටී. මෙහිදී දැනට ඇමැතිවරු ලෙස කටයුතු කල කිහිප දෙනෙකුගේ ඇමැති තනතුරු වෙනස් වීමද සිදුවනු ඇත. ඒ අතර එජාපයේ ප්‍රබලයන් කිහිප දෙනෙකුගේ තනතුරුද වේ. සන්ධානයේ ප්‍රබලයන් රැසක් ද ඇමැති තනතුරු ලබා ගැනීමට නියමිත අතර ශ්‍රී ලනීපය නියෝජිතයන්ට අමතරව සන්ධානයේ අනෙක් පක්ෂ කිහිපයක නායකයන්ටද ඇමැති තනතුරු හිමිවේ.
